Höskuldur býður sig fram til formennsku í Framsóknarflokknum

Höskuldur Þórhallsson, þingmaður Framsóknarflokksins, hefur ákveðið gefa kost á sér til formennsku í Framsóknarflokknum á landsþingi flokksins í janúar.

Valgerður Sverrisdóttir formaður Framsóknarflokksins tilkynnti í gær að hún ætlar ekki að sækjast eftir áframhaldandi setu á formannsstóli. Fyrr í tilkynnti Páll Magnússon, bæjarritari Kópavogs, að hann gefur kost á sér næsti formaður flokksins.

Höskuldur segir í tilkynningu að undanförnu hafi sviptivindar farið um íslenskt þjóðfélag. Umbrot síðustu mánaða kalla á breytingar íslensks stjórnarfars auk þess sem mikið uppbyggingarstarf er framundan. Þörf sé á breytingum og nýir tímar á Íslandi kalla á nýtt fólk og breyttar áherslur.

Hugsjónir og gildi Framsóknarflokksins eiga brýnt erindi

,,Í mínum huga eiga hugsjónir og gildi Framsóknarflokksins brýnt erindi við þjóðina. Mikilsverðustu hagsmunirnir eru að vernda heimilin og sporna við atvinnuleysi með öllum tiltækum ráðum. Hjól atvinnulífsins verða að fara að snúast á ný.

Eins og í þjóðfélaginu þá breytast hlutirnir oft hratt í heimi stjórnmálanna. Í Framsóknarflokknum hafa orðið ör formannsskipti og í gær tilkynnti núverandi formaður að hún myndi ekki sækjast eftir áframhaldandi kjöri til embættisins," segir Höskuldur.

Stuðningur og hvattning frá flokksfélögum

Höskuldur segst hafa fengið hvatningu og stuðning frá fjölmörgum flokksfélögum og fólki hvaðanæva af landinu um að sækjast eftir forystuhlutverki í Framsóknarflokknum.

,,Eftir að hafa ráðfært við mig við fjölskyldu mína hef ég tekið þá ákvörðun að bjóða mig fram til embættis formanns Framsóknarflokksins á flokksþinginu sem haldið verður í janúar. Framsóknarflokkurinn á að vera skýr valkostur í íslenskum stjórnmálum og ég vil leggja mitt af mörkum til að endurreisa flokkinn og þau gildi sem hann stendur fyrir."

35 ára og starfaði áður sem lögmaður

Flokksþing Framsóknarflokksins verður haldið 16. til 18. janúar í Vodafonehöllinni við Hlíðarenda. Birkir Jón Jónsson, þingmaður, hefur einn líst yfir framboði til varaformanns.

Höskuldur er 35 ára og er einn af þremur þingmönnum flokksins úr Norðvesturkjödæmi. Hann starfaði sem lögmaður áður en var kjörin á þing í maí 2007.