Manchesterliðin mætast í undanúrslitunum

Það verður grannaslagur Manchesterliðanna í undanúrslitum ensku deildarbikarkeppninnar.

8-liða úrslit deildarbikarsins kláruðust í kvöld og var dregið í undanúrslitin strax að leikjum kvöldsins loknum.

Margir fótboltaáhugamenn vildu helst ekki sjá liðin tvö frá Manchester dragast saman svo þau gætu mæst í úrslitunum, en svo fór að nágrannarnir mætast í undanúrslitunum.

Hinn leikurinn er viðureign Leicester og Aston Villa.

Í undanúrslitunum er leikið heima og heiman, fyrri leikirnir fara fram á Old Trafford og King Power vellinum í annari viku janúar. Seinni leikirnir fara fram þremur vikum seinna.

Confirmation of the Semi-Final fixtures:#EFL | #CarabaoCuppic.twitter.com/sGExeMMkPl

— Carabao Cup (@Carabao_Cup) December 18, 2019