Innlent

Sig­ríður Hall­dórs­dóttir nýr að­stoðar­maður um­hverfis- og auð­linda­ráð­herra

Hallgerður Kolbrún E. Jónsdóttir skrifar
Sigríður tekur við starfi aðstoðarmanns 9. desember næstkomandi.
Sigríður tekur við starfi aðstoðarmanns 9. desember næstkomandi. umhverfis- og auðlindaráðuneytið
Sigríður Halldórsdóttir hefur verið ráðin aðstoðarmaður Guðmundar Inga Guðbrandssonar, umhverfis- og auðlindaráðherra.



Sigríður hefur síðastliðinn áratug starfað hjá RÚV og síðast vann hún við fréttaskýringaþáttinn Kveik. Einnig hefur hún verið umsjónarmaður í Landanum og hún samdi og sá um sjónvarpsþættina Ævi og Rætur.



Sigríður tekur við starfi Sigríðar Víðis Jónsdóttur sem hefur starfað sem aðstoðarmaður umhverfis- og auðlindaráðherra frá því í júní 2018. Sigríður Halldórsdóttir mun taka við störfum 9. desember næstkomandi.



Sigríður er með BA-próf í heimspeki, hagfræði og stjórnmálafræði frá Háskólanum á Bifröst og meistaragráðu í alþjóðasamskiptum frá IBEI, Institut Barcelona d‘Estudis Internationals, í Barcelona á Spáni.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.