Björgvin Franz og Sóli funheitir í Eftirhermuhjólinu
Eftirhermuhjólið í Föstudagskvöldi með Gumma Ben var ekki af verri endanum í kvöld þegar Sóli Hólm og Björgvin Franz sýndu sínar allra bestu eftirhermuhliðar. Liðurinn hefur notið mikilla vinsælda í þættinum og setti Björgvin Franz tóninn strax þegar hann söng Fjöllin hafa vakað sem Birgitta Haukdal.
Sóli fylgdi strax á eftir með hið geysivinsæla lag Aquaman í flutningi Páls Óskars, sem er ein vinsælasta eftirherma Sóla og má segja að Sóli hafi náð söngvaranum óaðfinnanlega.
Björgvin Franz sló svo botninn í eftirhermuhjólið þegar hann flutti óvenju hressa útgáfu af laginu Söknuður og má segja að hann hafi lagt sig allan í flutninginn.
Tengdar fréttir
Eftirhermuhjólið: Eyþór Ingi og Sóli Hólm tóku magnaðan dúett sem Högni og Bubbi
Það var mikið fjör í Föstudagskvöldi með Gumma Ben í gær þegar Eyþór Ingi og Sóli Hólm tókust á í Eftirhermuhjólinu.
Stórkostleg frammistaða Sölku Sólar sem Eivör í Eftirhermuhjólinu
Spjallþátturinn Föstudagskvöld með Gumma Ben var á dagskrá Stöðvar 2 í gærkvöldi. Gestir Gumma að þessu sinni voru söngkonan Salka Sól og skemmtikrafturinn Hjálmar Örn. Gumma til halds og traust var sem fyrr, Sóli Hólm.
