Wenger hafnaði tilboðum frá Englandi
Arsene Wenger segist hafa hafnað starfstilboðum frá liðum í ensku úrvalsdeildinni. Hann segist of tengdur Arsenal.
Frakkinn, sem verður sjötugur í október, hætti hjá Arsenal í maí 2018 eftir að hafa starfað sem knattspyrnustjóri félagsins í 22 ár.
Hann á enn eftir að ákveða hvað hann gerir næst, en sagði við Sky Sports að hann hafi fengið tækifæri frá Englandi.
„Ég er Arsenal maður fyrst og atvinnumaður eftir það. Ég get ekki hætt að vinna,“ sagði Wenger.
„Ég ákvað að fara ekki inn í ensku úrvalsdeildina því ég er of tengdur Arsenal. Ég fékk tækifæri til þess að vinna á Englandi en ég hafnaði þeim.“
Wenger vildi ekki gefa upp hvaða félög hafi boðið honum starfstilboð því þar væru menn í brúnni.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
