Klopp segir það hættulegasta við Man. City hafi verið löngu boltarnir frá Bravo

Jurgen Klopp, stjóri Liverpool, segir að eina leiðin til þess að eiga möguleika gegn Man. City á leiktíðinni sé að spila leik við þá á undirbúningstímabilinu.

City vann sigur á Liverpool í vítaspyrnukeppni er liðin mættust í leiknum um Samfélagsskjöldinn en staðan eftir venjulegan leiktíma var jöfn, 1-1.

„Ég sagði fyrir leikinn að ef þú vilt verða tilbúinn fyrir Manchester City verðuru að spila við þá á undirbúningstímabilinu. Annars getur ekkert lið spilað við þá,“ sagði Þjóðverjinn á blaðamannafundi eftir leikinn í gær.

"The biggest threat was pretty much long balls from Bravo in behind." 

Jurgen Klopp says he was happy with Liverpool's performance against Manchester City in the Community Shield despite eventually losing 5-4 on penalties. pic.twitter.com/7aMQy4F59z

— Sky Sports Premier League (@SkySportsPL) August 5, 2019

„Þú sást á nokkrum augnablikum í fyrri hálfleiknum að við vorum í smá vandræðum með staðsetningarnar og þá geta þeir gert það sem þeir vilja. Þeir voru hættulegastir í löngu boltunum frá Bravo yfir varnarlínuna,“ en Bravo er markvörður City.

„Varnarlínan okkar var þá ekki lína svo það gerir það enn erfiðara. Þannig strekkja þeir á okkur því þú býst við að þeir spili boltanum á milli,“ sagði Klopp.