Rosalegur desember hjá Gylfa og félögum

Enska úrvalsdeildin gaf út fyrr í dag leikjaprógramið fyrir komandi tímabil í enska boltanum og það er ljóst að desember mánuður verður strembinn hjá Gylfa Sigurðssyni og félögum í Everton.

Í fyrstu umferðinni ferðast Everton til Lundúna þar sem liðið mætir Crystal Palace en desember lítur ógnvægilega út fyrir Gylfa og félaga.

Fjórða desember spila þeir grannaslag gegn Liverpool og í kjölfarið bíða leikir gegn Chelsea, Manchester United og Arsenal áður en mánuðinum lýkur á leikjum gegn Burnley og Newcastle.

Dagskrá Everton í desember:

4. desember Liverpool - Everton

7. desember Everton - Chelsea

14. desember Manchester United - Everton

21. desember Everton - Arsenal

26. desember Everton - Burnley

28. desember Newcastle - Everton

Ok, we're all talking about Everton's December

I've tried to have a look at the positives, but there's no doubting it's an absolutely crucial runhttps://t.co/KPXxvDxTWe

— Adam Jones (@Adam_Jones94) June 13, 2019

Gylfi er nú í verðskulduðu sumarfríi en hann giftir sig síðar í vikunni. Hann skoraði þrettán mörk á síðustu leiktíð en sagði hins vegar í viðtölum að hann hafi ekki náð markmiðum sínum.

Everton endaði í sjöunda sæti úrvalsdeildarinnar á síðustu leiktíð en góðu fréttirnar fyrir þá og þennan desember mánuð að þeim gekk vel gegn svokölluðu „stóru liðunum.“

| Our 2019/20 #PLfixtures are in!

We will open the new season with a trip to @CPFC! Up the Toffees #EFCpic.twitter.com/613SWOsLN5

— Everton (@Everton) June 13, 2019