Vorspá Siggu Kling – Ljónið: Þú heldur að það séu margir að tala illa um þig

Elsku Ljónið mitt, það er svo margt að fara að fæðast til að efla lífið þitt, þótt þú þurfir að sýna smá biðlund til að sjá þann fallega skóg sem liggur fyrir framan þig. Það eru svo margir sem vilja fylgja þér, bíða bara eftir að þú kallir en það væri líka gott fyrir þig að bíða eftir að aðrir kalli á þig því þá ert þú betur í stakk búinn til að gera þær kröfur sem þú vilt. Mundu samt að setja fallegar kröfur og bara eina í einu, þannig byggir þú upp lífið þitt á næstu mánuðum, hægt en örugglega og með því verður grunnurinn þinn svo sterkur og þú hræðist ekkert.

Það er akkúrat uppúr miðjum maí sem öryggið, sigurinn og traustið byrjar að flæða í kringum þig, hvort sem það er traust til annarra eða traust til þín, þú skynjar að einhver vill bíta í þig og þú heldur að það séu margir að tala illa um þig.

En það bítur þig enginn, þó einhver tali illa um þig því ef það er einhver sem skiptir þig engu máli er það þannig fyrir mér að ef það er einhver sem skiptir engu máli þá er sú persóna hvort sem er ekki til.

Þú ert að byggja upp allt aðra tilveru en var hjá þér í fyrra og eins og næstu mánuðir munu breyta þér, þú átt eftir að taka marga með þér inn í nýja lífið þitt og nærð svo góðum tökum á tilfinningum sem naga þig.

Þetta sumar er akkúrat tíminn fyrir ástina, ástfangnir efla ást sína og þið sem eruð á lausu munuð hitta draumadísina eða prinsinn, sem þú elskar og vilt fara með til enda alheimsins. En þið sem eruð ekkert að spá í ástina, þá mun hún samt vera í kringum ykkur í litum regnbogans tengt vinum og fjölskyldu og það eina sem þú þarft að gefa er tími þinn, hann er líka langverðmætastur af öllu.

Með hugrekki og andlega þenkjandi orku skaltu strá bjartsýni yfir núið því það er spenna yfir þér í augnablikinu og kvíði, en þessi bjartsýni mun flauta hana í burtu.

Knús og kossar, Sigga Kling.

Ljón 23. júlí - 22. ágúst

Cara Delevingne fyrirsæta, 12. ágúst

Ágústa Eva Erlendsdóttir, leik- og söngkona, 28. júlí

Halldóra Geirharðsdóttir leikkona, 12. ágúst

Birgitta Haukdal söngkona, 28. júlí

Barack Obama Bandaríkjaforseti, 4. ágúst

Ásdís Rán fyrirsæta, 12. ágúst

Geir Ólafsson söngvari, 14. ágúst

Þórunn Antonía alheimsstjarna, 28. júlí

Albert Eiríksson, matgæðingur, 16. ágúst

Jennifer Lopez söngkona, 24. júlí

Diddú, 8. ágúst

Arnór Dan, söngvari, Agent Fresco, 29. júlí

Saga Garðarsdóttir, leikkona og grínisti, 6. ágúst

Inga Sæland, 3. ágúst

Sunneva Einarsdóttir, samfélagsmiðlastjarna, 7. ágúst

Steingrímur J. Sigfússon, forseti Alþingis, 4. ágúst

Valdimar Guðmundsson, söngvari, 7. ágúst