Vorspá Siggu Kling – Sporðdrekinn: Verður beðinn um að taka að þér nýja stöðu

Elsku Sporðdrekinn minn, það er ekki langt í að það verði fullt tungl í Sporðdrekamerkinu eða þann 18 maí og heilmikið mun eiga sér stað. Þú hefur haft þá tilfinningu að þú sért eins og hamstur hamstrahjóli, þú hleypur og hleypur en ferð ekki neitt, en það er svo sannarlega ekki satt, þú ert búinn að vera að byggja, klára, gera og græja svo margt undanfarið ár, þú sérð bara ekki útkomuna eins og hún á svo sannarlega eftir að vera á þessu ári.

Núna ertu á svo réttri tíðni til þess að segja hvað þér finnst og vera ánægður með það og hafa trú á því að upphafið sé hjá þér. Það þarf oft svo lítið að gerast til þess að allt breytist, sumir kalla það fiðrildaáhifin eða ef einn kubbur í dómínó fellur þá falla allir hinir á eftir.

En til þess að gera Dómínó fullkomið hefur það tekið þig tíma að raða öllum kubbunum rétt upp, svo nuna sleppir þú tökunum, ýtir fyrsta kubbnum af stað og restin raðast hárrétt upp. Það er yfir þér núna eitthvað smáatriði sem lætur þig sjá lífið í öðru ljósi, fær þig til að gera eitthvað sem þú ekki bjóst við og þú finnur þessa tilfinningu; Ég er þessi fullkomni Sporðdreki.

Þú verður beðinn um að taka að þér nýja stöðu, sinna ábyrgð, hjálpa öðrum og svo endalaust margt fleira enda er Venus á fullum krafti að skreyta líf þitt með sannri ást. Sjálfstæði er sterkt orð til þín, hvaða skilning sem þú svo setur í það orð, þá er eins og þú fáir sjálfstæði þitt til þess að byggja, breyta og bæta tilveruna.

Ég hef svo mikla tengingu við gleði og hugrekki, því hugrekki mun færa þér gleði og gleði er það eina sem þarf til að vera hamingjusamur. Örlagaspilin sem ég hannaði til að svara spurningum fólks á skýran máta hafa kennt mér margt, til dæmis ef ég spyr karlmann: hvað er það sem þú óskar þér, svara 90% af þeim með spurningu: Verð ég ríkur? En ef ég spyr konu, þá er svarið í 90% tilfella með annarri spurningu: Verð ég hamingjusöm?

Og tilgangurinn með þessari dæmisögu er að segja þér að það er allt í lagi að biðja veröldina um að verða ríkur, en það sem þú hefur alveg stjórn á er að vera hamingjusamur, því það er þinn valkostur.

Knús og kossar, Sigga Kling.

Sporðdreki 23. október - 21. nóvember

Birkir Már Sævarsson, landsliðsmaður í fótbolta, 11. nóvember

Helga Braga Jónsdóttir, leikkona, 5. nóvember

Emmsjé Gauti, rappari, 17. nóvember

Björk Guðmundsdóttir, tónlistarmaður, 21. nóvember

Karl Bretaprins, 14. nóvember

Hillary Clinton, stjórnmálamaður, 26. október

Leonardo DiCaprio, leikari, 11. nóvember

Magnús Scheving, frumkvöðull, 10. nóvember

Hörður Ágústsson Macland snillingur, 24. október

Sigríður María Egilsdóttir, varaþingmaður Viðreisnar, 1. nóvember

Þorgerður Katrín Gunnarsdóttir, formaður Viðreisnar, 4. október

Þórdís Kolbrún Reykfjörð Gylfadóttir, Dómsmálaráðherra, Ferðamála-, iðnaðar- og nýsköpunarráðherra, 4. nóvember

Jón Jónsson, tónlistarmaður, 30. október

Króli, tónlistarmaður, 2. nóvember

Bergur Ebbi, grínisti, 2. nóvember