Rannsakar eigin rödd betur Starri Freyr Jónsson skrifar 20. október 2018 14:00 „Það sem ég lærði kannski líka er að maður verður að vera trúr sinni sannfæringu og gera það sem er satt fyrir mann sjálfan. Á tímabili var það FM Belfast en það tók endi eins og gengur og gerist,“ segir Árni Vilhjálmsson sem undirbýr sína fyrstu sólóplötu um þessar mundir. fbl/anton Eftir níu eftirminnileg ár með gleðisveitinni FM Belfast hefur Árni Vilhjálmsson, einn söngvara sveitarinnar, sagt skilið við félaga sína og hafið sólóferil. Hann kemur fram á Airwaves-tónlistarhátíðinni í næsta mánuði en fyrr í vikunni gaf Árni út fjórða lag sitt á árinu, Sides. Óhætt er að segja að tónlist Árna sé talsvert ólík þeirri sem hann var að fást við í FM Belfast þar sem lífleg elektróníkin víkur fyrir rólegri tónlist með hjálp fjölbreyttari hljóðfæra. „Tónlistin sem ég gef út undir nafninu Árni Vil er á frekar persónulegum nótum. Ég hef mest unnið hana með Þóri Bogasyni (Thoracius Appotite) en hann er mjög hæfileikaríkur, bæði tónlistarlega og svo gerir hann frábær myndbönd.“ Innblásturinn segist hann sækja í ýmis stef úr lífi sínu. „Stefin eru samt örugglega á einhvern hátt almenn líka og eitthvað sem margir hafa staðið frammi fyrir. Eins og t.d. óttann við að verða ekki það sem þú vilt vera, þráhyggju og vera með drauma en liggja svo bara í kvíða og aðgerðarleysi uppi í rúmi á Facebook og fylgjast með lífinu fjara út.“Hálfgerðar geimverur Lögin fjalla líka á einhvern hátt um eitthvað sammannlegt, að sögn Árna. Um það hvað við erum lík og dílum við sömu hlutina en getum um leið birst hvert öðru eins og geimverur. „Þetta eru kannski að einhverju leyti barnalegar og persónulegur pælingar en lögin og textarnir eru unnir með lítilli ritskoðun. Textarnir eru á ensku af því hugðarefnin eru frekar almenn og þá er fínt að fleiri skilji orðin. Ég er samt orðinn frekar spenntur fyrir því að prófa líka að gefa út lög á íslensku.“ Um þessar mundir er verið að klára að mixa önnur lög plötunnar en hann reiknar með því að hún komi út fyrir jól. „Ég hef líka verið að vinna lög með Thomasi Stankiewicz sem er mjög klár pródúsent og ætlum við að gefa út nokkur lög á komandi mánuðum. Einnig kemur bráðlega út lag sem við Teitur Magnússon sömdum saman.“fbl/antonGóður tími Árin níu með FM Belfast voru eftirminnileg að sögn Árna sem segir allar tónleikaferðirnar standa upp úr í minningunni. „Það er í rauninni frekar merkilegt að svona lítil indí elektrósveit hafi náð að túra sumar eftir sumar á hverju festivalinu á fætur öðru víða um heim. Einnig var mjög lærdómsríkt að vinna með Árna Rúnari og Lóu en þau eru einstaklega skapandi. Það sem ég lærði kannski líka er að maður verður að vera trúr sinni sannfæringu og gera það sem er satt fyrir mann sjálfan. Á tímabili var það FM Belfast en það tók endi eins og gengur og gerist. Eftir níu ár og þrjár plötur var ég orðinn þreyttur á að túra og fannst það ekki lengur jafn gefandi. Það var kominn tími á að ég gerði eitthvað nýtt og rannsakaði mína eigin rödd betur.“Útvarpið skemmtilegt Þótt flestir þekki tónlistarmanninn Árna á hann sér ýmsar fleiri listrænar hliðar. Hann er m.a. einn meðlima í leikhópnum Kriðpleir og listahópnum Art – Studio Art Collective sem var stofnaður nýlega. „Útvarpsleikritið Bónusferðin eftir okkur félaga í Kriðpleir var flutt á Rás 1 fyrir stuttu og er hægt að hlýða á það á vef RÚV. Það var mjög skemmtilegt að vinna leikrit fyrir þennan miðil en við höfðum ekki gert það áður. Við vorum ekki alveg vissir um hvernig dínamíkin á milli karakteranna myndi skila sér í útvarpi en við teljum að vel hafi tekist til. Leikhópurinn var að skila inn umsókn í sviðslistasjóð og reikna ég með því að við vinnum nýtt verk á næsta ári.“Ólíkar afurðir Listahópurinn Art-Studio Art Collective var stofnaður nýlega af Árna og vini hans Ými Grönvold myndlistarmanni og Þórði Hans Baldurssyni, forritara og digital listamanni. „Við vinnum alltaf eftir ákveðnu ferli og höfum verið að búa til hitt og þetta, þar á meðal alls kyns varning eins og trefla, handklæði, boli og peysur. Einnig gerðum við orkudrykkinn Zenergy – Positive Energy Drink sem er skúlptúr og concept-verk um jákvæða orku.“ Hann segir ferlið sem þeir vinni eftir kalla eiginlega á að það verði alltaf eitthvað búið til. „Þess vegna hafa mjög ólíkir hlutir orðið til eins og t.d. költið okkar, The World Cult, sem er komið með um 50 meðlimi, orkustöðvasamfestingur, Thai nudd vagn, nýtt skjaldarmerki sem við unnum með Óla Stef og svo nýi pappinn sem er unninn með rapparanum og fjöllistamanninum Joey Christ. Ég legg til að fólk fylgist með þessu á instagraminu okkar, @artstudioartcollective.“Sjálfbær þróun til umræðu Þegar Árni sinnir ekki listinni og daglegu starfi sínu hjá Íslensku auglýsingastofunni, segist hann verja mestum tíma sínum með dóttur sinni og kærustu. „Dóttir mín er mikill snillingur og er sem betur fer með svipuð áhugamál og ég. Þannig erum við oft að búa til lög, föndrum mikið saman og svo búum við líka til alls kyns dansa.“ Kærastan hans, Snjólaug Árnadóttir, pælir mikið í loftslagsmálum og segir Árni þau verja mestum tíma sínum í að spjalla um sjálfbæra þróun. „Þar má nefna umræðuefni á borð við hækkun sjávar, plastmengun, offjölgun mannkyns og fleira. Henni finnst líka gaman að flytja fyrir mig alls kyns fyrirlestra, þá helst eitthvað tengt almennri lögfræði. Utan þess hef ég helst áhuga á tónlist, öllu tengdu sjálfshjálp, myndlist, sviðslistum og kannski gríni líka. Mér finnst líka gaman að gera grín. Ég hugsa að það sem mér þyki skemmtilegast sé að gera eitthvað skapandi í hópi.“ Menning Mest lesið Sjö hættulegar gryfjur fyrir hjón og pör að falla í Áskorun Heyrt kjaftasögurnar um eldri mennina sem stýri henni Lífið Will Smith hrifinn af akureyrsku hjartaljósunum Lífið Logi Geirs og Inga Tinna eiga von á barni Lífið Varð móðir sextán ára Lífið Ekki lengur smeykur við að deila kastljósinu með Katrínu Lífið Ebba Katrín valin bæjarlistamaður Hafnarfjarðar Lífið „Elska að hafa skipulagt kaos“ Tíska og hönnun Japaninn sló heimsmet í Hlíðarfjalli Lífið Lekker hæð listakonu til sölu Lífið Fleiri fréttir Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Sjá meira
Eftir níu eftirminnileg ár með gleðisveitinni FM Belfast hefur Árni Vilhjálmsson, einn söngvara sveitarinnar, sagt skilið við félaga sína og hafið sólóferil. Hann kemur fram á Airwaves-tónlistarhátíðinni í næsta mánuði en fyrr í vikunni gaf Árni út fjórða lag sitt á árinu, Sides. Óhætt er að segja að tónlist Árna sé talsvert ólík þeirri sem hann var að fást við í FM Belfast þar sem lífleg elektróníkin víkur fyrir rólegri tónlist með hjálp fjölbreyttari hljóðfæra. „Tónlistin sem ég gef út undir nafninu Árni Vil er á frekar persónulegum nótum. Ég hef mest unnið hana með Þóri Bogasyni (Thoracius Appotite) en hann er mjög hæfileikaríkur, bæði tónlistarlega og svo gerir hann frábær myndbönd.“ Innblásturinn segist hann sækja í ýmis stef úr lífi sínu. „Stefin eru samt örugglega á einhvern hátt almenn líka og eitthvað sem margir hafa staðið frammi fyrir. Eins og t.d. óttann við að verða ekki það sem þú vilt vera, þráhyggju og vera með drauma en liggja svo bara í kvíða og aðgerðarleysi uppi í rúmi á Facebook og fylgjast með lífinu fjara út.“Hálfgerðar geimverur Lögin fjalla líka á einhvern hátt um eitthvað sammannlegt, að sögn Árna. Um það hvað við erum lík og dílum við sömu hlutina en getum um leið birst hvert öðru eins og geimverur. „Þetta eru kannski að einhverju leyti barnalegar og persónulegur pælingar en lögin og textarnir eru unnir með lítilli ritskoðun. Textarnir eru á ensku af því hugðarefnin eru frekar almenn og þá er fínt að fleiri skilji orðin. Ég er samt orðinn frekar spenntur fyrir því að prófa líka að gefa út lög á íslensku.“ Um þessar mundir er verið að klára að mixa önnur lög plötunnar en hann reiknar með því að hún komi út fyrir jól. „Ég hef líka verið að vinna lög með Thomasi Stankiewicz sem er mjög klár pródúsent og ætlum við að gefa út nokkur lög á komandi mánuðum. Einnig kemur bráðlega út lag sem við Teitur Magnússon sömdum saman.“fbl/antonGóður tími Árin níu með FM Belfast voru eftirminnileg að sögn Árna sem segir allar tónleikaferðirnar standa upp úr í minningunni. „Það er í rauninni frekar merkilegt að svona lítil indí elektrósveit hafi náð að túra sumar eftir sumar á hverju festivalinu á fætur öðru víða um heim. Einnig var mjög lærdómsríkt að vinna með Árna Rúnari og Lóu en þau eru einstaklega skapandi. Það sem ég lærði kannski líka er að maður verður að vera trúr sinni sannfæringu og gera það sem er satt fyrir mann sjálfan. Á tímabili var það FM Belfast en það tók endi eins og gengur og gerist. Eftir níu ár og þrjár plötur var ég orðinn þreyttur á að túra og fannst það ekki lengur jafn gefandi. Það var kominn tími á að ég gerði eitthvað nýtt og rannsakaði mína eigin rödd betur.“Útvarpið skemmtilegt Þótt flestir þekki tónlistarmanninn Árna á hann sér ýmsar fleiri listrænar hliðar. Hann er m.a. einn meðlima í leikhópnum Kriðpleir og listahópnum Art – Studio Art Collective sem var stofnaður nýlega. „Útvarpsleikritið Bónusferðin eftir okkur félaga í Kriðpleir var flutt á Rás 1 fyrir stuttu og er hægt að hlýða á það á vef RÚV. Það var mjög skemmtilegt að vinna leikrit fyrir þennan miðil en við höfðum ekki gert það áður. Við vorum ekki alveg vissir um hvernig dínamíkin á milli karakteranna myndi skila sér í útvarpi en við teljum að vel hafi tekist til. Leikhópurinn var að skila inn umsókn í sviðslistasjóð og reikna ég með því að við vinnum nýtt verk á næsta ári.“Ólíkar afurðir Listahópurinn Art-Studio Art Collective var stofnaður nýlega af Árna og vini hans Ými Grönvold myndlistarmanni og Þórði Hans Baldurssyni, forritara og digital listamanni. „Við vinnum alltaf eftir ákveðnu ferli og höfum verið að búa til hitt og þetta, þar á meðal alls kyns varning eins og trefla, handklæði, boli og peysur. Einnig gerðum við orkudrykkinn Zenergy – Positive Energy Drink sem er skúlptúr og concept-verk um jákvæða orku.“ Hann segir ferlið sem þeir vinni eftir kalla eiginlega á að það verði alltaf eitthvað búið til. „Þess vegna hafa mjög ólíkir hlutir orðið til eins og t.d. költið okkar, The World Cult, sem er komið með um 50 meðlimi, orkustöðvasamfestingur, Thai nudd vagn, nýtt skjaldarmerki sem við unnum með Óla Stef og svo nýi pappinn sem er unninn með rapparanum og fjöllistamanninum Joey Christ. Ég legg til að fólk fylgist með þessu á instagraminu okkar, @artstudioartcollective.“Sjálfbær þróun til umræðu Þegar Árni sinnir ekki listinni og daglegu starfi sínu hjá Íslensku auglýsingastofunni, segist hann verja mestum tíma sínum með dóttur sinni og kærustu. „Dóttir mín er mikill snillingur og er sem betur fer með svipuð áhugamál og ég. Þannig erum við oft að búa til lög, föndrum mikið saman og svo búum við líka til alls kyns dansa.“ Kærastan hans, Snjólaug Árnadóttir, pælir mikið í loftslagsmálum og segir Árni þau verja mestum tíma sínum í að spjalla um sjálfbæra þróun. „Þar má nefna umræðuefni á borð við hækkun sjávar, plastmengun, offjölgun mannkyns og fleira. Henni finnst líka gaman að flytja fyrir mig alls kyns fyrirlestra, þá helst eitthvað tengt almennri lögfræði. Utan þess hef ég helst áhuga á tónlist, öllu tengdu sjálfshjálp, myndlist, sviðslistum og kannski gríni líka. Mér finnst líka gaman að gera grín. Ég hugsa að það sem mér þyki skemmtilegast sé að gera eitthvað skapandi í hópi.“
Menning Mest lesið Sjö hættulegar gryfjur fyrir hjón og pör að falla í Áskorun Heyrt kjaftasögurnar um eldri mennina sem stýri henni Lífið Will Smith hrifinn af akureyrsku hjartaljósunum Lífið Logi Geirs og Inga Tinna eiga von á barni Lífið Varð móðir sextán ára Lífið Ekki lengur smeykur við að deila kastljósinu með Katrínu Lífið Ebba Katrín valin bæjarlistamaður Hafnarfjarðar Lífið „Elska að hafa skipulagt kaos“ Tíska og hönnun Japaninn sló heimsmet í Hlíðarfjalli Lífið Lekker hæð listakonu til sölu Lífið Fleiri fréttir Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Sjá meira