Bein útsending: Kvöldfréttir Stöðvar 2

Loftmengun á höfuðborgarsvæðinu á nýársnótt var meiri en mengunin í eldgosinu í Eyjafjallajökli. Við fjöllum nánar um þetta í kvöldfréttum Stöðvar 2 klukkan 18:30.

Við fjöllum líka um áramótaávarp forsætisráðherra og nýársávarp forseta Íslands en forsetinn hefur áhyggjur af því hvað Íslendingum gengur illa að safna í sjóði þegar vel árar í efnahagslífinu.

Við fjöllum um samdrátt í flugeldasölu fyrir þessi áramót og erilsama nótt lögreglu og slökkviliðs á nýársnótt. Hundrað og fimmtíu mál komu inn á borð lögreglu og fimm þurftu að leita aðhlynningar á bráðadeild vegna flugeldaslysa.

Þá kíkjum við í nýárssund en um tvö hundruð manns tóku þátt í búningasundinu í Nauthólsvík í ár.