Bein útsending: Kvöldfréttir Stöðvar 2

Tíu mánaða gamalli stúlku sem búið hefur á Íslandi allt frá fæðingu verður vísað úr landi á næstu dögum ásamt albönskum foreldrum sínum. Brottvísuninni verður ekki frestað þrátt fyrir að mál stúlkunnar sé nú fyrir dómstólum. Lögmaður segir yfirvöld taka fram fyrir hendurnar á dómsvaldinu en fjallað verður nánar um þetta í fréttum Stöðvar tvö klukkan hálf sjö.

Þar verðum við líka í beinni útsendingu frá Valhöll þar sem Sjálfstæðismenn kynna nú framboðslista sinn fyrir borgarstjórnarkosningarnar í vor og verðum í Grímsey, þar sem íbúar eru orðnir langþreyttir á jarðskjálftahrinu sem þar stendur yfir. Þetta og margt fleira í fréttum Stöðvar tvö í opinni dagskrá klukkan 18.30.