Ferðust um hálfan hnöttinn fyrir einn deildarleik

Rússland er risastórt land eins og heimurinn fær að kynnast í sumar þegar Rússar halda heimsmeistaramótið í fótbolta í sumar.

Sem betur fer fyrir Íslands og hinar þjóðirnar 30 sem heimsækja Rússa á HM í sumar þá eru engir leikvangar í Asíuhluta Rússlands.

Sömu sögu er ekki hægt að segja af leikjum í rússnesku deildinni og hvað þá í rússnesku b-deildinni.

Liðin Baltika Kaliningrad og Luch Vladivostok mættust í deildinni í gær og fór leikurinn fram á heimavelli Luch Vladivostok sem heitir Dynamo Stadium.

Það þýddi að leikmenn og þjálfarar Baltika Kaliningrad þurftu að leggja á sig tíu þúsund kílómetra ferðalag til að komast í leikinn.

The longest away trip in world football took place today as Baltika Kaliningrad travelled 10,000 km to play Luch Vladivostok Russia's second division.

The game ended 0-0. pic.twitter.com/2gKFDuPJiP

— GeniusFootball (@GeniusFootball) April 8, 2018

Það er ómögulegt að ferðast lengra í heiminum á milli leikstaða í deildarkeppni. Baltika er í Kaliningrad, sem er borg í rússnesku yfirráðasvæði í norður Póllandi en Vladivostok er aftur á móti á austurströnd Rússlands fyrir norðan Kóreuskagann.

Baltika Kaliningrad fór með eitt stig til baka en leikurinn endaði með markalausu jafntefli.