Innlent

Lofa fundarlaunum ef búðarkötturinn Baktus kemst í leitirnar

Hulda Hólmkelsdóttir skrifar
Baktus skilaði sér ekki heim í morgun.
Baktus skilaði sér ekki heim í morgun. Fréttablaðið/Anton Brink
Veglegra fundarlauna er lofað þeim sem getur komið kettinum Baktus í réttar hendur en hann hvarf af Klapparstíg í gærkvöldi.

Baktus er miðbæjarbúum vel kunnugur en hann er iðulega á ferli í Austurstræti og býr hann í versluninni Gyllta kettinum.

Á Instagram síðu Baktusar, sem er með tæplega 7000 fylgjendur, segir að Baktus hafi síðast sést á Klapparstíg í gærkvöldi og hafi ekki skilað sér í Austurstræti í morgun líkt og hann er vanur að gera þegar hann gistir ekki í Gyllta kettinum.

Maður sást taka Baktus með sér í bíl á Klapparstíg og þar virðist hann hafa keyrt í Fífusel í Breiðholti þar sem Baktus sást sleppa úr bílnum og hlaupa í burtu.

Eigendur Baktusar biðja fólk um að hafa augun hjá sér og er veglegum fundarlaunum lofað þeim sem finnur Baktus. Hann er sagður vinalegur og leyfir fólki gjarnan að halda á sér.

 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.