Lífið

Rúrik orðinn vinsælasti Íslendingurinn á Instagram

Stefán Árni Pálsson skrifar
Rúrik hefur fengið yfir 1,3 milljónir fylgjenda á aðeins nokkrum vikum.
Rúrik hefur fengið yfir 1,3 milljónir fylgjenda á aðeins nokkrum vikum.
Knattspyrnumaðurinn Rúrik Gíslason er orðinn vinsælasti Íslendingurinn á Instagram en hann fór fram úr aflraunamanninum Hafþóri Júlíusi Björnsson rétt í þessu.



Þegar þessi frétt er skrifuð er Rúrik kominn með 1.309.835 fylgjendur en Hafþór er með 1.309.779 fylgjendur.



Rúrik fékk gríðarlega athygli á Instagram þegar hann kom inn á sem varamaður í leik Íslands og Argentínu þann 16. júní á HM í knattspyrnu sem stendur nú yfir í Rússlandi.



Hann var með 32 þúsund fylgjendur þegar mótið hófst en svo virðist sem útlit hans hafi skilað honum á toppinn af þeim Íslendingum sem skipa efstu sætin á Instagram.



Crossfit-konurnar Katrín Tanja Davíðsdóttir og Sara Sigmundsdóttir eru báðar með yfir milljón fylgjendur og síðan er tónlistarkonan Björk Guðmundsdóttir einnig með yfir eina milljón.



Hér að neðan má sjá topp 5 listann eins og hann er núna:



1. Rúrik Gíslason - 1,3 milljónir

2. Hafþór Júlíus Björnsson - 1,3 milljónir

3. Katrín Tanja Davíðsdóttir - 1,2 milljónir

4. Sara Sigmundsdóttir - 1,1 milljónir

5. Björk Guðmundsdóttir - 1 milljón


Tengdar fréttir

Rúrik í sjokki yfir allri athyglinni

Rúrik Gíslason, landsliðsmaður í knattspyrnu og milljónamaður á Instragram, segist hafa fengið áfall þegar hann leit á símann sinn á meðan fylgjendurnir hrúguðust inn á Instagram-síðu hans.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.