Bein útsending: Staða ferðaþjónustunnar og áhrif á kosningar í Víglínunni

Misnotkun á persónuupplýsingum af Facebook og tilraunir hulduaðila til að hafa áhrif á Alþingiskosningar eru á meðal þess sem rætt verður í Víglínunni í beinni útsendingu og opinni dagskrá á Stöð 2 í dag. Þá verður rætt um stöðu ferðaþjónustufyrirtækja.

Mál breska greiningafyrirtækisins Cambridge Analytica vakti mikla athygli í vikunni en fyrirtækið hefur verið sakað um að beita ólögmætum aðferðum til að safna persónuupplýsingum sem síðan voru notaðir til að hafa áhrif á kosningar í ýmsum löndum. Tíu þingmenn úr fimm flokkum hafa óskað eftir því að Katrín Jakobsdóttir forsætisráðherra flytji munnlega skýrslu um stöðu þessara mála hér á landi og hvort hulduaðilar hafi reynt hafa áhrif á Alþingiskosningar.

Þingmennirnir Jón Þór Ólafsson og Jón Steindór Valdimarsson mæta í Víglínuna til þess að ræða þessi mál.

Umhverfisráðherra og ráðherra ferðamála kynntu í vikunni um úthlutun á ríflega tveimur komma átta milljörðum til uppbyggingar á fjölsóttum ferðamannastöðum. Enn er deilt um gjaldtökuleiðir varðandi ferðamenn og krónan heldur áfram að styrkjast  sem dregur úr samkeppnishæfni Íslands. Helga Árnadóttir framkvæmdastjóri Samtaka ferðaþjónustunnar, situr fyrir svörum.