Samið um eftirlitsvélar

Gengið hefur verið frá samningi lögreglunnar, Neyðarlínunnar og Garðabæjar um öryggismyndavélakerfi í bænum. Í honum er tekið á verklagi við kaup, uppsetningu og rekstur á kerfinu.

Bærinn mun kaupa allt að tíu eftir­litsmyndavélar. „Öryggismyndavélakerfið er eingöngu ætlað að þjóna þörfum lögreglu og annarra neyðaraðila," segir í samkomulaginu.

„Lögreglan annast vöktun á myndefninu og tekur ákvörðun um aðgang annarra neyðaraðila að myndefni í rauntíma. Lögreglan ákveður staðsetningu myndavélanna.“

Neyðarlína á að aðstoða bæinn við uppsetningu og viðhald myndavélanna.