Pétur Jónsson samdi nýjasta hringitón Samsung

Tónskáldið Pétur Jónsson hefur samið nýjustu útgáfuna af hringitón Samsung, Over the Horizon. Tæknirisinn tilkynnti útgáfuna í dag og birti með tilkynningunni myndband lagsins þar sem íslensk náttúra er fyrirferðarmikil.

Ný útgáfa er gefin út af hringitóninum með útgáfu nýrra síma og verður lag Péturs notað með símanum Samsung Galaxy 9.

Í tilkynningu Samsung segir að ef hlustað sé á lag Péturs taki fólk eftir því að tónarnir veki grunntilfinningar mannsins sem liggi oft í dvala í hinu daglega amstri. Lagið hafi kraft til að slaka á huganum og lækna sálina.

Þannig nái það til allra sem heyri það.

Ætli það sé ekki best að byrja daginn á því að springa úr monti?https://t.co/Dm4tVztOo1

— Petur Jonsson (@senordonpedro) February 19, 2018