Gylfi að fá nýjan eldfljótan liðsfélaga frá Arsenal

Everton er nálægt því að ganga frá kaupum á Arsenal-manninum Theo Walcott en félagið mun borga í kringum tuttugu milljónir punda fyrir framherjann eldfljóta.

BBC segir frá þessum nýjustu fréttum af Gylfa Þór Sigurðssyni og félögum á Goodison Park.

Everton are close to agreeing a deal with Arsenal to sign forward Theo Walcott.

https://t.co/XLL2gOnbDipic.twitter.com/U7aIERb86N

— BBC Sport (@BBCSport) January 16, 2018

Hinn 28 ára gamli Theo Walcott hefur spilað sinn síðasta leik fyrir Arsenal en hann kom til liðsins frá Southampton fyrir tólf árum síðan.

Southampton var eitt liðanna sem hafði áhuga á að kaupa Walcott en Everton hafði betur.

Theo Walcott er sagður vera bjartsýnn á það að Sam Allardyce takist að koma ferli hans aftur í gang en Walcott hefur verið í aukahlutverki hjá Arsenal síðustu misseri.

Þetta eru frábærar fréttir fyrir Gylfa okkar Sigurðsson enda þarf Everton nauðsynlega á fljótari leikmönnum að halda til að nýta sem best sendingagetu íslenska landsliðsmannsins.