Enski boltinn

Sean Dyche borðaði ánamaðka á æfingum

Ástrós Ýr Eggertsdóttir skrifar
Sean Dyche hefur náð frábærum árangri með Burnley á undanförnum árum.
Sean Dyche hefur náð frábærum árangri með Burnley á undanförnum árum. vísir/getty
Djúpur raddrómur Sean Dyche er tilkominn vegna mikils ánamaðkaáts samkvæmt kenningu fyrrum liðsfélaga hans.

Soren Anderson lék með Dyche hjá Bristol City á síðustu árum tuttugustu aldar og hann sagði að Dyche hefði oft tekið ánamaðka upp af vellinum og borðað þá á æfingum.

„Þetta var ógeðslegt. Ég hef aldrei upplifað neitt þessu líkt. Hann sá maðk á jörðinni, sagði: „nei, hér er ánamaðkur,“ og borðaði hann svo,“ sagði Anderson í viðtali hjá danska hlaðvarpinu Fodboldministeriet.

„Hann var góður leikmaður og ég naut þess að spila með honum, en þetta með maðkana var mjög skrýtið.“

Rödd Dyche var orðin gróf strax á þeim árum og telur Anderson að það gæti orsakast vegna moldarinnar sem fylgir öllu ánamaðkaátinu. Djúpan róm Dyche má heyra í þessu viðtali hér að neðan.



 

Enski boltinn

Mest lesið


Fleiri fréttir

Sjá meira


×

Mest lesið