Þverpólitísk sátt um úrbætur í málum krabbameinssjúklinga

Víðtæk sátt er meðal flokkanna um að bæta aðstæður krabbameinssjúklinga og aðstandenda þeirra. Krabbameinsfélagið og aðildarfélög þess buðu þeim flokkum sem bjóða fram til Alþingis að svara spurningum sem hvíla á krabbameinssjúklingum og aðstandendum þeirra. Allir flokkarnir nema Miðflokkurinn þáðu boð félagsins.

Fulltrúar flokkanna lýstu allir áhuga á að fylgja eftir tillögum um íslenska krabbameinsáætlun til ársins 2020, sem gefnar voru út í vor.  Í tillögunum er meðal annars kveðið á um að framboð á krabbameinslyfjum á Íslandi skuli vera sambærilegt við það sem gerist á Norðurlöndunum.

Flokkarnir vildu allir að greiðsluþátttaka minnkaði verulega eða yrði afnumin við meðferð langvinnra sjúkdóma á borð við krabbamein. Þá var almennur stuðningur við niðurgreiðslu á sálfræðiþjónustu og tannlækningum í tengslum við krabbameinsmeðferð. Þegar kom að umræðu um ferðakostnað aðstandenda vegna krabbameinsmeðferðar var almenn sátt um mikilvægi þess að bregðast við, til að jafna aðstöðu fólks.

Stefnur flokkanna í málaflokknum má sjá í myndbandinu hér að neðan: