Einungis einn ráðherra úr fjölmennasta kjördæmi landsins

Bjarni Benediktsson, verðandi fjármála- og efnahagsráðherra, verður eini ráðherrann í nýrri ríkisstjórn Vinstri grænna, Sjálfstæðisflokksins og Framsóknarflokksins sem kemur úr Suðvesturkjördæmi, fjölmennasta kjördæmi landsins.

Flestir ráðherrar koma úr Reykjavíkurkjördæmi suður, eða þrír.

Að neðan má sjá skiptingu ráðherra eftir kjördæmum:

• Reykjavík norður: Katrín Jakobsdóttir (V), Guðlaugur Þór Þórðarson (D).
• Reykjavík suður: Svandís Svavarsdóttir (V), Sigríður Á. Andersen (D), Lilja Dögg Alfreðsdóttir (B).
• Suðvesturkjördæmi: Bjarni Benediktsson (D).
• Suðurkjördæmi: Sigurður Ingi Jóhannsson (B).
• Norðvesturkjördæmi: Þórdís Kolbrún Reykfjörð Gylfadóttir (D), Ásmundur Einar Daðason (B).
• Norðausturkjördæmi: Kristján Þór Júlíusson (D).

Guðmundur Ingi Guðbrandsson (V), verðandi umhverfisráðherra er ættaður úr Borgarnesi en býr í Reykjavík.

Steingrímur J. Sigfússon (V), verðandi forseti Alþingis, er þingmaður Norðausturkjördæmis.