Ók inn um glugga verslunar á Engjateigi

Mikið tjón varð á versluninni Hjá Hrafnhildi á Engjateigi þegar viðskiptavinur ók inn í verslunina um tólf leytið. Viðskiptavinurinn ætlaði að leggja í stæði en ók óvart inn í búðina.

Ása Björk Antoníusdóttir eigandi verslunarinnar segir að um mjög mikið tjón sé að ræða. „Ofnalagnir fóru í sundur og gríðarlegt vatnsjón er á búðinni. Við erum nýbúin að opna nýuppgerða sex hundruð fermetra verslun svo það var allt glænýtt inni í versluninni,“ segir Ása.

Að sögn Ásu verður verslunin lokuð fram yfir helgi en stefnt er að því að opna hana sem fyrst.

Enginn slasaðist við óhappið.