Llorente fær Gylfa til þess að blómstra Tryggvi Páll Tryggvason skrifar 6. mars 2017 06:00 Fernando Llorente fagnar marki með Jefferson Montero og Gylfa Þór Sigurðssyni. Vísir7Getty Spánverjinn Fernando Llorente var hetja Swansea um helgina þegar hann tryggði liði sínu afar mikilvægan sigur gegn Burnley. Llorente skoraði sigurmark leiksins í uppbótartíma og hélt þar með góðri siglingu Swansea í deildinni gangandi. Llorente hefur verið sjóðheitur frá því að Paul Clement tók við stjórnartaumunum í upphafi árs og gegnt lykilhlutverki ásamt Gylfa Sigurðssyni í endurreisn Swansea sem hefur klifrað upp töfluna að undanförnu. Llorente hefur skorað fimm mörk, þar af tvö í gífurlega mikilvægum sigri Swansea á Liverpool á Anfield í janúar. Það skal því engan undra að Paul Clement var fljótur að koma auga á þá leikmenn sem hann taldi að Swansea mætti alls ekki missa í janúarglugganum sem leið. Sagði hann að félagið yrði að gera allt sem hægt væri til þess að halda þeim félögum hjá Swansea.Eins og ristað brauð og smjör Raunar er það svo að ekkert leikmannapar í deildinni hefur unnið jafnvel saman og þeir tveir sé horft til stoðsendinga. Gylfi hefur fært Llorente fjögur mörk á silfurfati í deildinni og eru þeir á pari við Alexis Sanchez og Mezut Özil, Christian Eriksen og Harry Kane, Yannick Bolasie og Romelu Lukaku og Wayne Rooney og Zlatan Ibrahimovic. Samvinna Gylfa og Llorente sker sig raunar úr í þessum hópi enda keppa hinir leikmennirnir í liðum í efri hluta deildarinnar. Gylfi og Llorente ná því einstaklega vel saman enda hentar leikstíll Spánverjans afar vel. Með Llorente hefur Gylfi alltaf einhvern miðpunkt til þess að miða eitraðar fyrirgjafir sínar á auk þess sem framherjinn tekur mikið til sín með sínum mikla skrokki. Þannig hefur hann átt sinn þátt í því að Gylfi er að eiga sitt besta tímabil á Englandi frá upphafi með tíu stoðsendingar og átta mörk.Fernando Llorente og Gylfi á góðri stundu.Vísir/AFPGylfi aldrei betri Ljóst er að Gylfi nær að hámarka sína miklu hæfileika þegar hann spilar með stórum og stæðilegum framherjum en samvinna þeirra minnir mjög mikið á samvinnu Gylfa með Wilfried Bony fyrir nokkrum árum sem og Kolbeini Sigþórssyni með íslenska landsliðinu. Paul Clement, nýr stjóri Swansea, virðist hafa verið fljótur að átta sig á hversu áhrifarík samvinna þeirra gæti verið enda er Swansea nú að uppskera eftir erfitt tímabil lengst af. Frá því að Clement tók við hafa aðeins fimm lið nælt sér í fleiri stig en Swansea og hefur liðið þotið upp úr botnsæti deildarinnar í 16. sæti, fimm stigum frá falli.Grátbón Clements borið ávöxt Þjálfarinn nýi hefur unnið með ýmsum stórstjörnum í gegnum tíðina enda þjálfað hjá liðum á borð við Chelsea, PSG, Real Madrid og Bayern München. Hann segir þó að að einu leyti sé enginn betri í heiminum en Llorente. „Ég er ekki viss um það sé betri leikmaður í heiminum í dag sem er betri í að ráðast á fyrirgjafir,“ sagði Clement eftir sigurinn gegn Burnley um helgina. „Ég þekki það því að ég hef unnið með mörgum frábærum leikmönnum.“ Það segir sína sögu um gæði Llorente að Antonio Conte, knattspyrnustjóri Chelsea, reyndi hvað hann gat til þess að fá Llorente til liðs við félagið í janúar, án árangurs. Það þurfti reyndar ýmislegt til en Clement hefur sagt að hann hafi nánast þurft að grátbiðja Llorente um að halda tryggð við Swansea. Sú bón virðist hafa skilað sér og enginn græðir meira á því en Gylfi Sigurðsson. Fátt bendir til annars en að Swansea muni nú bjarga sér frá falli. Liðið á eftir að spila ellefu leiki í deildinni og ætla má að um fimm sigrar í viðbót gulltryggi sætið. Fá lið í botnbaráttunni búa yfir jafn hæfileikaríkum leikmönnum og Gylfa og Llorente og með Paul Clement við stjórnvölinn má segja að eina leiðin sé upp. Enski boltinn Mest lesið Reiður Einar hellti sér yfir eftirlitsdómarana Handbolti Aðalsteinsdóttir nafnið á nýrri æfingu Sport Metamfetamín fannst í báðum sýnum markmannsins Handbolti Kalla eftir því að brjóstahaldararnir séu teknir alvarlega Sport Fékk hrós frá Klopp: Vingjarnlegasti maður sem ég hef hitt Enski boltinn Di María ákveðinn að snúa ekki aftur heim eftir morðhótanir Fótbolti „Of mörg tilfelli sem hafa komið upp“ Körfubolti „Eru að gefa fólki pening sem á þegar pening“ Sport Rúnar Már fann neistann Íslenski boltinn Mikil spenna fyrir Bakgarðshlaupinu um helgina Sport Fleiri fréttir Sala drykkjarins í hæstu hæðum eftir myndirnar af Haaland Klopp ósáttur við álagið: „Hádegisleikir eru glæpur“ Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Segir aðeins þau hlutlausu hafa skemmt sér yfir fótbolta Ten Hag Sextán ára og skoraði hjá Arsenal eins og Rooney forðum „Mo Salah sá sem að gekk of langt“ Manchester-liðin og Aston Villa á móti því að eyðsluþak verði sett á Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram Hundraðasti sigur Arteta kom gegn erkifjendunum: „Stoltur af leikmönnunum“ „Ekki boðlegt á þessu getustigi“ Fowler hjálpaði Man City að styrkja stöðu sína á toppnum Meistarar Man City halda í við topplið Arsenal Bournemouth fór illa með Brighton Arsenal vann kaflaskiptan Norður-Lundúnaslag Segir að VAR skaði ímynd enska boltans Stendur með Salah og skilur pirring hans Ten Hag segir sitt lið þróttmikið og eitt af þeim skemmtilegri í deildinni Chelsea hjálpaði Tottenham með því að ná í stig gegn Villa Klopp: Verð hamingjusamur ef rétt ákvörðun er tekin Newcastle setti met þegar það skaut Sheffield niður um deild Enn ein vonbrigðin fyrir United Salah eftir rifrildið við Klopp: „Ef ég tala mun allt loga“ Klopp og Salah rifust á hliðarlínunni Antonio eyðilagði endurkomu Rauða hersins Sjá meira
Spánverjinn Fernando Llorente var hetja Swansea um helgina þegar hann tryggði liði sínu afar mikilvægan sigur gegn Burnley. Llorente skoraði sigurmark leiksins í uppbótartíma og hélt þar með góðri siglingu Swansea í deildinni gangandi. Llorente hefur verið sjóðheitur frá því að Paul Clement tók við stjórnartaumunum í upphafi árs og gegnt lykilhlutverki ásamt Gylfa Sigurðssyni í endurreisn Swansea sem hefur klifrað upp töfluna að undanförnu. Llorente hefur skorað fimm mörk, þar af tvö í gífurlega mikilvægum sigri Swansea á Liverpool á Anfield í janúar. Það skal því engan undra að Paul Clement var fljótur að koma auga á þá leikmenn sem hann taldi að Swansea mætti alls ekki missa í janúarglugganum sem leið. Sagði hann að félagið yrði að gera allt sem hægt væri til þess að halda þeim félögum hjá Swansea.Eins og ristað brauð og smjör Raunar er það svo að ekkert leikmannapar í deildinni hefur unnið jafnvel saman og þeir tveir sé horft til stoðsendinga. Gylfi hefur fært Llorente fjögur mörk á silfurfati í deildinni og eru þeir á pari við Alexis Sanchez og Mezut Özil, Christian Eriksen og Harry Kane, Yannick Bolasie og Romelu Lukaku og Wayne Rooney og Zlatan Ibrahimovic. Samvinna Gylfa og Llorente sker sig raunar úr í þessum hópi enda keppa hinir leikmennirnir í liðum í efri hluta deildarinnar. Gylfi og Llorente ná því einstaklega vel saman enda hentar leikstíll Spánverjans afar vel. Með Llorente hefur Gylfi alltaf einhvern miðpunkt til þess að miða eitraðar fyrirgjafir sínar á auk þess sem framherjinn tekur mikið til sín með sínum mikla skrokki. Þannig hefur hann átt sinn þátt í því að Gylfi er að eiga sitt besta tímabil á Englandi frá upphafi með tíu stoðsendingar og átta mörk.Fernando Llorente og Gylfi á góðri stundu.Vísir/AFPGylfi aldrei betri Ljóst er að Gylfi nær að hámarka sína miklu hæfileika þegar hann spilar með stórum og stæðilegum framherjum en samvinna þeirra minnir mjög mikið á samvinnu Gylfa með Wilfried Bony fyrir nokkrum árum sem og Kolbeini Sigþórssyni með íslenska landsliðinu. Paul Clement, nýr stjóri Swansea, virðist hafa verið fljótur að átta sig á hversu áhrifarík samvinna þeirra gæti verið enda er Swansea nú að uppskera eftir erfitt tímabil lengst af. Frá því að Clement tók við hafa aðeins fimm lið nælt sér í fleiri stig en Swansea og hefur liðið þotið upp úr botnsæti deildarinnar í 16. sæti, fimm stigum frá falli.Grátbón Clements borið ávöxt Þjálfarinn nýi hefur unnið með ýmsum stórstjörnum í gegnum tíðina enda þjálfað hjá liðum á borð við Chelsea, PSG, Real Madrid og Bayern München. Hann segir þó að að einu leyti sé enginn betri í heiminum en Llorente. „Ég er ekki viss um það sé betri leikmaður í heiminum í dag sem er betri í að ráðast á fyrirgjafir,“ sagði Clement eftir sigurinn gegn Burnley um helgina. „Ég þekki það því að ég hef unnið með mörgum frábærum leikmönnum.“ Það segir sína sögu um gæði Llorente að Antonio Conte, knattspyrnustjóri Chelsea, reyndi hvað hann gat til þess að fá Llorente til liðs við félagið í janúar, án árangurs. Það þurfti reyndar ýmislegt til en Clement hefur sagt að hann hafi nánast þurft að grátbiðja Llorente um að halda tryggð við Swansea. Sú bón virðist hafa skilað sér og enginn græðir meira á því en Gylfi Sigurðsson. Fátt bendir til annars en að Swansea muni nú bjarga sér frá falli. Liðið á eftir að spila ellefu leiki í deildinni og ætla má að um fimm sigrar í viðbót gulltryggi sætið. Fá lið í botnbaráttunni búa yfir jafn hæfileikaríkum leikmönnum og Gylfa og Llorente og með Paul Clement við stjórnvölinn má segja að eina leiðin sé upp.
Enski boltinn Mest lesið Reiður Einar hellti sér yfir eftirlitsdómarana Handbolti Aðalsteinsdóttir nafnið á nýrri æfingu Sport Metamfetamín fannst í báðum sýnum markmannsins Handbolti Kalla eftir því að brjóstahaldararnir séu teknir alvarlega Sport Fékk hrós frá Klopp: Vingjarnlegasti maður sem ég hef hitt Enski boltinn Di María ákveðinn að snúa ekki aftur heim eftir morðhótanir Fótbolti „Of mörg tilfelli sem hafa komið upp“ Körfubolti „Eru að gefa fólki pening sem á þegar pening“ Sport Rúnar Már fann neistann Íslenski boltinn Mikil spenna fyrir Bakgarðshlaupinu um helgina Sport Fleiri fréttir Sala drykkjarins í hæstu hæðum eftir myndirnar af Haaland Klopp ósáttur við álagið: „Hádegisleikir eru glæpur“ Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Segir aðeins þau hlutlausu hafa skemmt sér yfir fótbolta Ten Hag Sextán ára og skoraði hjá Arsenal eins og Rooney forðum „Mo Salah sá sem að gekk of langt“ Manchester-liðin og Aston Villa á móti því að eyðsluþak verði sett á Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram Hundraðasti sigur Arteta kom gegn erkifjendunum: „Stoltur af leikmönnunum“ „Ekki boðlegt á þessu getustigi“ Fowler hjálpaði Man City að styrkja stöðu sína á toppnum Meistarar Man City halda í við topplið Arsenal Bournemouth fór illa með Brighton Arsenal vann kaflaskiptan Norður-Lundúnaslag Segir að VAR skaði ímynd enska boltans Stendur með Salah og skilur pirring hans Ten Hag segir sitt lið þróttmikið og eitt af þeim skemmtilegri í deildinni Chelsea hjálpaði Tottenham með því að ná í stig gegn Villa Klopp: Verð hamingjusamur ef rétt ákvörðun er tekin Newcastle setti met þegar það skaut Sheffield niður um deild Enn ein vonbrigðin fyrir United Salah eftir rifrildið við Klopp: „Ef ég tala mun allt loga“ Klopp og Salah rifust á hliðarlínunni Antonio eyðilagði endurkomu Rauða hersins Sjá meira