Tók aðdáanda Floyd Mayweather hálstaki og negldi honum upp við vegg

Einn af lífvörðum hnefaleikakappans Floyd Mayweather tók vel í aðdáanda boxarans fyrir utan þekktan kjúklingastað í Hollywood. Þetta kemur fram í frétt á vef TMZ og þar birtist myndband af atvikinu.

Atvikið átti sér stað fyrir utan veitingarstaðinn House of Chicken and Waffles á miðvikudagskvöldið.

Maðurinn gekk að Mayweather og spurði hvort hann mætti fá mynd af sér með honum. Þá tók einn úr gengi Mayweather manninn hálstaki og negldi honum upp við vegg. Því næst fór boxarinn upp í bíl sem var ekið strax í burtu eins og sjá má hér að neðan.