Pochettino og Forster bestir í febrúar

Mauricio Pochettino hefur verið útnefndur besti knattspyrnustjóri ensku úrvalsdeildarinnar í febrúarmánuði og markvörðurinn Fraser Forster hjá Southampton besti leikmaðurinn.

Tottenham átti frábæran mánuð og vann alla fjóra leiki sínum í febrúar. Liðið er í öðru sæti ensku deildarinnar og í harðri baráttu um enska meistaratitilinn sem Tottenham hefur ekki unnið síðan 1961.

Tottenham mætir botnliði Aston Villa á sunnudag og gæti þá minnkað forystu Leicester á toppnum í tvö stig, í bili að minnsta kosti.

Forster hefur svo komið af miklum krafti inn í lið Southampton eftir að hann sneri aftur á völlinn eftir í janúar eftir að hafa verið frá í tíu mánuði vegna slitins krossbands í hné.

Hann átti stórleik þegar Southamtpon gerði markalaust jafntefli gegn Arsenal en Forster hélt marki Southampton þrívegis hreinu í febrúar og átti stóran þátt í 1-0 sigrum liðsins á West Ham og Swanse.