City mun líklega selja þrjá leikmenn á næstu dögum

Manchester City mun líklega selja þrjá leikmenn í næstu viku en þetta kemur fram í enskum fjölmiðlum um helgina.

Pep Guardiola hefur fengið þá Claudio Bravo, Nolito, Ilkay Gundogan, Leroy Sane og John Stones til liðsins í sumar.

Joe Hart fer líklega á lán til Sunderland á næstu dögum og svo gæti félagið selt þá Samir Nasri, Eliaquim Mangala og Wilfried Bony í vikunni. Þeir munu ekki vera partur af framtíðarplani Guardiola.

Mangala hefur verið orðaur við Napoli, Nasri við Besiktas og hefur West Ham United sýnt Bony áhuga.