Lífið

Forsetaáskorun Vísis: Halla trúir á líf eftir dauðann

Nanna Elísa Jakobsdóttir og Samúel Karl Ólason skrifa
Amy Poehler myndi leika Höllu í bíómynd um ævi hennar.
Amy Poehler myndi leika Höllu í bíómynd um ævi hennar.

Halla Tómasdóttir athafnakona svarar því ekki hvort hún hafi migið í saltan sjó og segir Amy Poehler eiga að leika sig í bíómynd um ævi sína. Hún var ekki „all out of luck“ árið 1999 þegar hún féll fyrir eiginmanni sínum í Eurovision partýi við tóna framlags Íslands það árið í flutningi Selmu Björnsdóttur.

Þetta og fleira kemur fram hér að neðan í svörum Höllu við Forsetaáskorun Vísis.

Vísir leggur mikið upp úr því að umfjöllunin um forsetakosningarnar sé ítarleg og úr öllum áttum, líka skemmtileg. Því lögðum við fyrir alla forsetaframbjóðendur skemmtilegan spurningalista með spurningum af öllu tagi, sumar erfiðari en aðrar en allar í persónulegri kantinum. Vísir mun birta svörin nú í vikunni fyrir kosningarnar sem fram fara 25. júní. Halla Tómasdóttir er þriðji frambjóðandinn sem tekur áskorunina.
 

Ein besta minning Höllu er frá árinu 1999 þegar Selma söng „All out of luck.“ Vísir

Hver er fallegasti staðurinn á Íslandi? 
Þórsmörk hefur alltaf verið í uppáhaldi.

Hundar eða kettir?
Hundar, við erum stolt af okkar Mola.

Hver er stærsta stundin í lífi þínu?
Þær eru tvær, þegar ég eignaðist börnin mín.

Hver er uppáhaldsmaturinn þinn?
Allt sem Bjössi eldar.

Hvernig bíl ekur þú?
Volvo XC90, árgerð 2006.

Besta minningin?
Þær eru margar, en fátt toppar stundina þegar ég féll fyrir eiginmanni mínum í Eurovision veislu kvöldið sem Selma söng “all out of luck”.

Halla hress ásamt vinkonum sínum á leið út að styðja íslenska landsliðið. Vísir/Halla

Hefur þú verið tekinn af lögreglunni?
Ég fékk vinsamlega ábendingu frá lögreglunni um að hætta að æfa mig að keyra á Djúpavogi þegar ég var 16 ára.

Hverju sérðu mest eftir?
Því sem ég geri ekki.

Reykir þú?
Nei.

Uppáhalds drykkur(áfengur)?
Rauðvín frá Ribera Del Duero.

Uppáhalds bíómynd?
Forrest Gump.

Uppáhalds tónlistarmaður?
Vilhjálmur Vilhjálmsson.

Hvaða lag kemur þér í gírinn?
Ég er komin heim. 

Limahl úr NeverEnding Story er hárprúður með eindæmum. Halla skartaði þessari greiðslu á einu tímabili í sínu lífi. Vísir

Draumaferðalagið?
2ja vikna rafting og gönguferðalag í gegnum Mikla Gljúfur (Grand Canyon) sem við hjónin fórum í síðasta sumar.

Hefur þú migið í saltan sjó?
Ég hef unnið í fiski bæði á Djúpavogi og í Neskaupsstað.

Hvað er það skrýtnasta sem þú hefur gert?
Ég lét vinkonur mínar lita og klippa á mér hárið eins og Limahl (úr Never Ending Story), sem var í miklu uppáhaldi hjá mér á unglingsárunum.

Hefur þú viðurkennt mistök?
Já, við eigum ekki að óttast mistök, en við eigum að læra af þeim.

Hverju ertu stoltastur af?
Börnunum mínum.

Rómantískasta augnablik í lífinu?
Þegar við Björn giftum okkur á pallinum heima hjá okkur umkringd börnunum okkar, fjölskyldu og vinum.

Trúir þú á líf eftir dauðann?
Já.

Ef það væri gerð Hollywood kvikmynd um ævi þína, hver ætti að leika þig?
Amy Poehler.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.