Þrettán mínútum frá því að drepa Hitler Magnús Guðmundssson skrifar 8. mars 2016 10:30 Hrönn Sveinsdóttir, framkvæmdastjóri Bíós Paradísar, segir Þýska kvikmyndadaga vera þá allra vinsælustu á hverju starfsári. Visir/GVA „Þetta er í sjötta sinn sem við stöndum fyrir Þýskum kvikmyndadögum og þetta eru langvinsælustu kvikmyndadagarnir á hverju einasta ári í Bíói Paradís,“ segir Hrönn Sveinsdóttir, framkvæmdastjóri Bíós Paradísar. „Það er mjög þéttur og flottur kjarni sem hefur einstakt dálæti á þýskri kvikmyndagerðarlist sem mætir alltaf. Þetta eru fyrstu kvikmyndadagarnir sem var byrjað með í Bíói Paradís og við höfum alveg frá upphafi gert þetta í góðu samstarfi við Goethe-stofnunina og þýska sendiráðið. Þetta hefur alltaf tekist ákaflega vel enda höfum við alltaf leitast við að hafa þetta fjölbreytt. Erum að sýna það ferskasta og besta en með áherslu á fjölbreytni þannig að allir geti fundið eitthvað við sitt hæfi. Mér finnst ákaflega erfitt að gera upp á milli myndanna sem við erum með í ár. Við erum með sex nýjar og spennandi myndir sem eru þverskurður af því besta sem þýsk kvikmyndagerð hefur að bjóða. Það er líka rétt að fólk viti af því að það er enskur texti á öllum myndunum svona fyrir þá sem eru ekkert of sterkir í þýskunni.“„Ég er sérstaklega spennt að sjá opnunarmyndina 13 mínútur, Elser en hún fjallar um manninn sem reyndi að drepa Hitler og tókst það næstum því. Það hefði að öllum líkindum gengið ef hann hefði haft þrettán mínútur til viðbótar. Myndinni er leikstýrt af Oliver Hirschbiegel sem frægur er fyrir kvikmyndina Downfall þannig að það er ljóst að hann er góður í að sýna þennan svarta tíma í þýskri sögu og er eiginlega algjör Hitlersérfræðingur en þetta er margverðlaunuð mynd.“„Phoenix finnst mér líka vera mjög spennandi og fólk hefur borið henni ákaflega vel söguna. Svo er mynd þarna sem heitir We are Young. We are Strong (Wir Sind Jung. Wir Sind Stark) og tekst á við viðfangsefni sem er ofarlega á baugi þessa dagana. Hún fjallar um hvernig nýnasistarnir urðu til í Þýskalandi, uppruna þeirra og uppgang, en þremur árum eftir fall Berlínarmúrsins hófust miklar óeirðir gegn innflytjendum í borginni Rostock í Austur-Þýskalandi. Árásir voru gerðar á flóttamannabúðir í jaðri borgarinnar. Þremur dögum eftir árásirnar náði þessi ólga hámarki þegar þrjú þúsund mótmælendur, nýnasistar, kveiktu í búðum þar sem Víetnamar höfðust við. Myndin er byggð á þessum atburðum og er afar sjónræn og spennandi reynsla. Þetta er svart-hvít mynd þar sem leikstjórinn, Burhan Qurbani, leyfir hverju skoti að lifa og nær að láta senurnar skila reiðinni og kraftinum sem ólgaði undir í samfélaginu. Mjög spennandi mynd.“„Svo erum við að sýna eina alveg geggjaða mynd sem heitir B-Movie: Lust & Sound in West Berlin 1979-1989. Þetta er svona tónlistar- og tíðarandaveisla með alveg æðislegu myndefni. Þetta var svo geggjaður tími í Berlín sem var eins og útgáfa af New York á þessum árum og stemningin greinilega alveg mögnuð, Nick Cave í banastuði og allt að gerast. Þannig að það er bara um að gera að koma og njóta.“ Bíó og sjónvarp Menning Mest lesið Gefi raunsanna mynd af stefnumótahremmingum trans kvenna Bíó og sjónvarp Potter-stjarna harmar hvernig fór með Rowling Bíó og sjónvarp Ekki með mönnum á hennar aldri því „þeir eru allir látnir“ Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Minningar um líf sem er að hverfa Lífið Swing og hópkynlíf fyrir byrjendur! Lífið Sagan á bak við djarft listaverk Ásdísar Ránar Lífið „Kveiktum næstum í öllu sumarbústaðalandinu“ Lífið Eltihrellirinn í Baby Reindeer íhugar að leita réttar síns Bíó og sjónvarp Lolla í Litlu hryllingsbúðinni:„Þetta er auðvitað geggjað hlutverk“ Lífið Fleiri fréttir Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira
„Þetta er í sjötta sinn sem við stöndum fyrir Þýskum kvikmyndadögum og þetta eru langvinsælustu kvikmyndadagarnir á hverju einasta ári í Bíói Paradís,“ segir Hrönn Sveinsdóttir, framkvæmdastjóri Bíós Paradísar. „Það er mjög þéttur og flottur kjarni sem hefur einstakt dálæti á þýskri kvikmyndagerðarlist sem mætir alltaf. Þetta eru fyrstu kvikmyndadagarnir sem var byrjað með í Bíói Paradís og við höfum alveg frá upphafi gert þetta í góðu samstarfi við Goethe-stofnunina og þýska sendiráðið. Þetta hefur alltaf tekist ákaflega vel enda höfum við alltaf leitast við að hafa þetta fjölbreytt. Erum að sýna það ferskasta og besta en með áherslu á fjölbreytni þannig að allir geti fundið eitthvað við sitt hæfi. Mér finnst ákaflega erfitt að gera upp á milli myndanna sem við erum með í ár. Við erum með sex nýjar og spennandi myndir sem eru þverskurður af því besta sem þýsk kvikmyndagerð hefur að bjóða. Það er líka rétt að fólk viti af því að það er enskur texti á öllum myndunum svona fyrir þá sem eru ekkert of sterkir í þýskunni.“„Ég er sérstaklega spennt að sjá opnunarmyndina 13 mínútur, Elser en hún fjallar um manninn sem reyndi að drepa Hitler og tókst það næstum því. Það hefði að öllum líkindum gengið ef hann hefði haft þrettán mínútur til viðbótar. Myndinni er leikstýrt af Oliver Hirschbiegel sem frægur er fyrir kvikmyndina Downfall þannig að það er ljóst að hann er góður í að sýna þennan svarta tíma í þýskri sögu og er eiginlega algjör Hitlersérfræðingur en þetta er margverðlaunuð mynd.“„Phoenix finnst mér líka vera mjög spennandi og fólk hefur borið henni ákaflega vel söguna. Svo er mynd þarna sem heitir We are Young. We are Strong (Wir Sind Jung. Wir Sind Stark) og tekst á við viðfangsefni sem er ofarlega á baugi þessa dagana. Hún fjallar um hvernig nýnasistarnir urðu til í Þýskalandi, uppruna þeirra og uppgang, en þremur árum eftir fall Berlínarmúrsins hófust miklar óeirðir gegn innflytjendum í borginni Rostock í Austur-Þýskalandi. Árásir voru gerðar á flóttamannabúðir í jaðri borgarinnar. Þremur dögum eftir árásirnar náði þessi ólga hámarki þegar þrjú þúsund mótmælendur, nýnasistar, kveiktu í búðum þar sem Víetnamar höfðust við. Myndin er byggð á þessum atburðum og er afar sjónræn og spennandi reynsla. Þetta er svart-hvít mynd þar sem leikstjórinn, Burhan Qurbani, leyfir hverju skoti að lifa og nær að láta senurnar skila reiðinni og kraftinum sem ólgaði undir í samfélaginu. Mjög spennandi mynd.“„Svo erum við að sýna eina alveg geggjaða mynd sem heitir B-Movie: Lust & Sound in West Berlin 1979-1989. Þetta er svona tónlistar- og tíðarandaveisla með alveg æðislegu myndefni. Þetta var svo geggjaður tími í Berlín sem var eins og útgáfa af New York á þessum árum og stemningin greinilega alveg mögnuð, Nick Cave í banastuði og allt að gerast. Þannig að það er bara um að gera að koma og njóta.“
Bíó og sjónvarp Menning Mest lesið Gefi raunsanna mynd af stefnumótahremmingum trans kvenna Bíó og sjónvarp Potter-stjarna harmar hvernig fór með Rowling Bíó og sjónvarp Ekki með mönnum á hennar aldri því „þeir eru allir látnir“ Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Minningar um líf sem er að hverfa Lífið Swing og hópkynlíf fyrir byrjendur! Lífið Sagan á bak við djarft listaverk Ásdísar Ránar Lífið „Kveiktum næstum í öllu sumarbústaðalandinu“ Lífið Eltihrellirinn í Baby Reindeer íhugar að leita réttar síns Bíó og sjónvarp Lolla í Litlu hryllingsbúðinni:„Þetta er auðvitað geggjað hlutverk“ Lífið Fleiri fréttir Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira