„Hún er fullkomin“

Þetta segja Gróa Jóelsdóttir og Sigurmon Hartmann Sigurðsson, nýbakaðir foreldrar barnsins sem fæddist fyrst á nýju ári og ræddu við Stöð 2.

Stúlkan, sem ekki hefur ekki fengið nafn enn, fæddist klukkan rúmlega fjögur í nótt en setja þurfti fæðinguna af stað þar sem Gróa átti á hætt að fá meðgöngueitrun. Gróa og Sigurmon hafa dvaldist frá 30. desember á Landspítalanum og láta vel af dvölinni þar.

„Við erum alveg ástfangin af henni“, sögðu þau þreytt og sæl en lítið hefur verið um svefn hjá parinu síðan það fór á spítalann. Hinni ungu fjölskyldu heilsast þó vel.

Stúlkan er nett, aðeins 12 merkur og 49 sentímetrar en hún átti að fæðast, hefði allt farið eftir áætlun, þann 6.janúar.

Gróa og Sigurmon sem búa í Reykjavík sögðust nokkuð hissa á að stúlkan þeirra væri fyrsta barn ársins.

„Ég bjóst ekkert við þessu því hún fæddist ekki fyrr en rétt um fjögur. Ég hefði haldið að fyrsta barn ársins kæmi bara rétt yfir miðnætti í heiminn“, segir Gróa brosandi.

„Mér finnst þessi tilfinning bara ólýsanleg“, segir Sigurmon með fyrsta barn parsins. „Það kom bara svona einhver kraftur yfirmann“, segir hann.