Akeem Cujo er ósammála Helga Hrafni

„Eigum við þá að leyfa síbrotamönnum að halda áfram í glæpum og gera ekki neitt?“ spyr Akeem Cujo, framkvæmdastjóri fjölmenningarsetursins Ísland Panorama Center, Helga Hrafn Gunnarsson alþingismann Pírata.

Helgi sagði í samtali við Fréttablaðið í vikunni að óskynsamlegt væri að loka fyrir hatursáróðursspjallborð sem fjallað hefur verið um undanfarna daga þar sem þau myndu bara spretta upp annars staðar. Helgi segir í skásta falli gagnslaust að loka fyrir það en í versta falli skaðlegt þar sem þá myndi spjallborðið mögulega felast þeim fáu gagnrýnisröddum sem þar gæti verið að finna.

Akeem er einnig ósammála spjallborðsgesti sem Fréttablaðið talaði við í vikunni er sagði engan hatursáróður á spjallinu heldur svartan húmor og frjálsa umræðu. Akeem segir spjallborðsgesti einfaldlega vera kynþáttahatara.