El Hadji Diouf: Hata Carragher og Gerrard hugsaði bara um að skora

Fyrrum leikmaður Liverpool og fleiri félaga, El Hadji Diouf, vandar ekki fyrrum félögum sínum hjá Liverpool kveðjurnar í viðtali við insidefutbol vefsíðuna.

Diouf gekk í raðir Liverpool sumarið 2002 frá Lens í Frakklandi eftir að hafa átt gott heimsmeistaramót um sumarið með Senegal. Dvöl hans hjá Liverpool varð svo mjög mikil vonbrigði og fór hann svo frá félaginu 2005.

Senegalinn var spurður í viðtali á dögunum hverjum hann myndi aldrei eyða jólunum þá lá ekki á svörum hjá þessum athyglisverða leikmanni: „Jamie Carragher. Ég hata hann," sagði Diouf og næst var röðin komin að Gerard.

„Gerrard er stór og eigingjarn leikmaður. Honum var alveg sama hvort Liverpool myndi vinna, eina sem skipti máli var að hann myndi skora."

„Ég bauð honum að koma til Senegal til þess að sjá hversu mikill kóngur ég er í mínu húsi," sagði þessi skrautlegi leikmaður að lokum.

Hann spilar nú fyrir Sabah í Malasíu, en hann hefur leikið með þeim síðan í nóvember 2014. Hann er 34 ára gamall og hefur leikið með liðum á borð við Liverpool, Sunderland, Blackburn og Bolton, en flesta leiki spilaði hann fyrir Bolton.