Of Monsters and Men koma fram hjá Ellen í dag

Hljómsveitin Of Monsters and Men kemur fram í spjallþætti Ellen Degeneres í kvöld. Þátturinn verður sýndur á NBC síðdegis í dag í Bandaríkjunum. Spjallþátturinn er einn sá vinsælasti í heiminum en hann hóf göngu sína árið 2003 og þáttaröðin sem nú er sýnd í sjónvarpi er sú þrettánda.

Sarah Silverman grínisti og leikarinn Morris Chestnut verða gestir hjá Ellen í þætti kvöldsins ásamt hinu íslenska indie-poppbandi. Hljómsveitin hefur átt mikilli velgengni að fagna vestanhafs líkt og kunnugt er en þau munu spila vinsælt lag af nýju plötunni sinni „Beneath the skin.“

Hér má sjá kynningarmyndband fyrir þátt dagsins.

Myndin hér að neðan birtist á Facebook síðu hljómsveitarinnar en á henni má sjá þá Brynjar Leifsson og Kristján Pál Kristjánsson stilla sér upp fyrir framan mynd af frægu sjálfsmyndinni sem Bradley Cooper tók á Óskarsverðlaununum í fyrra. Ellen skipulagði uppátækið sem vakti ótrúlega athygli, myndin fékk 3,3 milljónir endurtísta á Twitter og rúmlega 2 milljónir stjörnumerktu tístið.

Did we mention we're going to be on Ellen DeGeneres?! Catch our performance tomorrow (Wednesday) on NBC - check your local listings for when to tune in: http://ellen.tv/1QPP4hp

Posted by Of Monsters and Men on Tuesday, October 20, 2015

Hér má sjá hljómsveitina flytja lagið „Little talks“ í spjallþætti Graham Norton árið 2012 en þau hafa einnig komið fram hjá hinum víðfræga Jimmy Fallon.