Bein útsending: Niðurstöður á efnahagslegum áhrifum undanþágubeiðna slitabúanna

Bjarni Benediktsson, fjármála- og efnahagsráðherra, mun kynna niðurstöður Seðlabanka Íslands á efnahagslegum áhrifum undanþágubeiðna slitastjóra föllnu bankanna á fundi með blaðamönnum í Hannesarholti í dag. Fundurinn hefst klukkan 15 og verður hann í beinni útsendingu á Vísi.

Upphaflega átti að kynna þessar niðurstöður sem viðauka við ritið fjármálastöðugleika þann 6. október síðastliðinn. Því var frestað. Í millitíðinni, eða þann 20. október, tilkynnti fjármála- og efnahagsráðuneytið að kröfuhafar Glitnis hefðu gert breytingar á tillögum sínum vegna undanþágubeiðnanna.

Breytingin var sú að kröfuhafar bjóðast til að afsala sér eignarhlut sínum í Íslandsbanka en munu ekki láta ríkissjóði í hendur skuldabréf upp á 119 milljarða króna og afkomuskiptasamningar vegna arðsemi hlutafjár Íslandsbanka falla niður.

Uppfært klukkan 16:10

Fundinum er lokið. Nánari fréttir af fundinum má meðal annars finna hér að neðan. Þar má einnig finna skjal með áætlun stjórnvalda um losun fjármagnshafta.