Reykjavík síðdegis: Hvern vilt þú sjá sem næsta forseta Íslands?

Starfsmenn útvarpsþáttarins Reykjavík síðdegis á Bylgjunni hafa óskað eftir tilnefningum um hvern Íslendingar vilja sjá sem næsta forseta Íslands.

Á heimasíðu Bylgjunnar er fólk hvatt til að tilnefna þann eða þá sem það myndi helst vilja sjá sem næsta forseta lýðveldisins. Síðar verður svo kosið á milli þeirra tíu einstaklinga sem hljóta flestar tilnefningar.

Kjörtímabil Ólafs Ragnars Grímssonar forseta lýkur á næsta ári en hann mun þá hafa gegnt embættinu í fimm kjörtímabil, eða heil tuttugu ár.