Skoðuðu fleiri hundruð álfastyttur

Fólk á besta aldri leit við í einn umtalaðasta garð Reykjavíkur í austurborginni í dag. Þar skreyta fleiri hundruð álfar garð Birnu Sigmundsdóttur sem sömuleiðis hefur vakið athygli fyrir sérstaklega vel skreytt hús á jólunum.

Vilhelm Gunnarsson, ljósmyndari Fréttablaðsins og Vísis, leit við á Dragaveg 5 um tvöleytið þar sem ýmsir voru mættir til að virða álfana fyrir sér.

Spilað var á harmónikku auk þess sem boðið var upp á kaffi og með því. Myndir frá stemningunni má sjá hér að neðan.