Ung stúlka féll af hestbaki

Ung stúlka féll af baki þegar hestur hennar hnaut með hana í umdæmi lögreglunnar á Suðurnesjum um nýliðna helgi.

Í tilkynningu frá lögreglu segir að vinstri fótur stúlkunnar hafi lent undir hrossinu og var hún flutt á heilbrigðisstofnun Suðurnesja til aðhlynningar.

Þá greinir frá því að ungur maður hafi farið úr axlarlið þegar hann var við æfingar á sjó í Grindavíkurhöfn. „Hann var á Landsmóti unglingadeila Landsbjargar og var að æfa sig í að fara milli báta þegar óhappið varð. Hann datt og lenti á hendinni með þeim afleiðingum að öxlin fór úr lið. Hann var fluttur með sjúkrabifreið á Heilbrigðisstofnun Suðurnesja.“