Jón Þór vill vita hvort óheimilt sé að mynda lögreglumenn við störf

Jón Þór Ólafsson, þingmaður Pírata, hefur sent Ólöfu Nordal innanríkisráðherra fyrirspurn um myndir og myndbandsupptökur af lögreglumönnum við störf. Tilefnið er upptaka Halldórs Bragasonar tónlistarmanns sem hann birti á Facebook í dag.

Hann vill vita hvort óheimilt sé að mynda lögreglumenn við störf og þá á grundvelli hvaða laga, reglna eða annarra réttarheimilda. Spyr hann jafnframt hvort lögreglumenn fái þjálfun í samskiptum við borgara með það að leiðarljósi að halda samskiptum þannig að ekki þurfi að beita valdi. Hvaða lögreglumenn fái slíka þjálfun, í hverju hún felist og hve löngum tíma sé varið í hana. „Hver eru viðurlögin við því þegar lögreglumaður gefur fólki skipun sem brýtur meðalhóf eða réttmæta valdbeitingu miðað við kringumstæður?“segir Jón Þór jafnframt.

Fyrirspurn Jóns Þórs má sjá í heild hér fyrir neðan.

Var að senda fyrirspurn til Innanríkisráðherra:1. Er óheimilt að taka myndir og myndbönd af lögreglumönnum við stö...

Posted by Jón Þór Ólafsson on 17. maí 2015