„Kerfið hefur algjörlega brugðist“ Sunna Kristín Hilmarsdóttir skrifar 2. maí 2015 13:50 Signa Hrönn Stefánsdóttir og Reynir Svan Sveinbjörnsson með dætur sínar tvær. Mynd/Signa Hrönn Signa Hrönn Stefánsdóttir og maðurinn hennar, Reynir Svan Sveinbjörnsson, keyptu sér íbúð á Akureyri í janúar 2008 og fluttu inn í hana rétt fyrir hrun. Þau fluttu út úr íbúðinni í gær, ásamt tveimur ungum dætrum sínum, þar sem Íbúðalánasjóður keypti íbúðina þann 31. mars síðastliðinn á eina milljón króna. „Við lögðum á sínum tíma 4 milljónir í íbúðina og tókum lán upp á 19 milljónir. Milljónirnar fjórar gufuðu svo upp nokkrum mánuðum eftir hrun og lánið stökkbreyttist. Það stendur nú í tæpum 34 milljónum en við hættum að greiða af því fyrir ári síðan,“ segir Signa í samtali við Vísi.Pössuðu hvorki inn í 110% leiðina né skuldaðlögunina Áður en þau hjónin hættu að greiða af láninu höfðu þau reynt að fara 110% leiðina og einnig sótt um skuldaaðlögun hjá Umboðsmanni skuldara. „Við gerðum eins og bankinn hvatti okkur til á sínum tíma og fengum lánað veð hjá foreldrum okkar. Það kom síðan í ljós að við pössuðum ekki inn í 110% leiðina því lánið hjá Íbúðalánasjóði var 109%. Foreldrar okkar reyndu þá að fara 110% leiðina en það gekk ekki heldur þar sem þau voru ekki að borga af láninu,“ segir Signa. Þau hafi svo heldur ekki fengið skuldaaðlögun hjá Umboðsmanni skuldara því þau voru ekki bæði í 100% vinnu. „Ég er í 50% vinnu á sambýli og vinn á kvöldin og um helgar. Þannig spara ég dagmömmukostnað fyrir yngri dóttur okkar og gat sýnt þeim svart á hvítu að við hefðum hærri tekjur með þessu fyrirkomulagi en ef ég væri í 100% dagvinnu og þyrfti að borga fyrir dagmömmu. Það skipti hins vegar engu og þeir sögðu bara nei.“ Signa segir að þau hafi svo fengið milljón út úr skuldaleiðréttingu ríkisstjórnarinnar. „Ein milljón hjálpar auðvitað ekki neitt svo þessi leiðrétting sem átti að hjálpa öllum hefur ekki gert það.“Lán þeirra hjóna stökkbreyttist í hruninu og peningarnir sem þau höfðu lagt í íbúðina gufuðu upp.Mynd/Signa HrönnBúin að borga 12 milljónir af láninu Á einum tímapunkti fengu Signa og Reynir að heyra að þau stæðu alltaf í skilum og þess vegna væri ekkert hægt að gera fyrir þau. „Við erum búin að borgar 12 milljónir af þessu 19 milljóna króna láni sem við tókum, fyrir utan svo 4 milljónirnar sem gufuðu upp. Þegar við vorum búin að reyna að tala við alla jakkafatamennina, eins og ég kalla þá, í tvö ár og sáum að ekkert yrði hægt að gera ákváðum við að hætta að borga af láninu. Það má eiginlega segja að því lengur sem við borguðum af láninu, því stærri holu grófum við okkur í því það hækkaði bara og hækkaði,“ segir Signa. Þegar þau hættu að borga af íbúðinni fyrir sléttu ári síðan fór ferli í gang sem lauk í gær þegar þau fluttu út úr henni. Þau búa nú hjá foreldrum Signu í 10 fermetra herbergi en stefna á að flytja til Noregs þar sem Reynir hefur verið við vinnu síðustu misseri.Signa og Reynir stefna á að flytja með dætur sínar til Noregs. Mynd/Signa Hrönn„Ekkert hægt að búa hérna með börn“ „Þetta tekur mikið á eldri stelpuna okkar sem er 4 ára. Hún skilur ekkert af hverju hún þarf að flytja úr herberginu sínu og heim til ömmu og afa en vinkona hennar flytur úr sínu herbergi í nýtt hús og fær nýtt herbergi. Það er í rauninni ekkert annað í stöðunni fyrir okkur en að flytja til Noregs. Það er ekkert hægt að búa hérna með börn og þó að fólk segi að allt sé svo dýrt í Noregi þá er kaupmátturinn þar miklu meiri en hér.“ Signa segir að það eigi eftir að koma í ljós hvað verði um 34 milljóna króna lánið. „Við erum auðvitað með það á bakinu. Við eigum aðeins eftir að skoða hvað er best að gera. Nú tökum við í rauninni bara einn dag í einu og sjáum hvað setur.“ Aðspurð hvort henni finnist sem að kerfið hafi brugðist þeim segir hún. „Já, kerfið hefur algjörlega brugðist. Þetta á ekki að vera svona, þetta á ekki að virka svona. Þeir vilja greinilega bara missa allt ungt fólk úr landi því þeir eru ekki að gera neitt. Því miður erum við hvorki þau fyrstu sem lenda í þessu né síðustu, það er fullt af fólki á götunni sem hefur misst húsnæði sitt, en við erum heppin að hafa í hús að venda og að geta verið hér hjá foreldrum mínum. Það eru ekki allir svo heppnir,“ segir Signa að lokum.Í gærkveldi skelltum við Ljómatúni 11 í lás í hinsta sinn eftir ógeðslega erfiðar undafarnar vikur. í þessari íbúð hö...Posted by Signa Hrönn Stefánsdóttir on Friday, 1 May 2015 Mest lesið Segir ákvörðun um kæru fyrir nauðgun tekna fyrir andlát flugmanns Innlent Orðið vör við fjölgun útkalla vegna þjófnaðar Innlent Nýjustu upplýsingar breyta ekki skoðun verkstjórans Innlent Íhuga að fara í skaðabótamál vegna andláts Ibrahims Innlent Eiturlyf og vopn fundust á heimili hins handtekna á Bakkafirði Innlent Reikna með 700 þúsund ferðamönnum í Reykjadal Innlent Hálft ár frá ráninu í Hamraborg sem er enn óupplýst Innlent Erlend þjófagengi herja á verslanir Innlent Vinna að þriggja vikna vopnahléi á milli Ísrael og Hezbollah Erlent Umhugsunarefni hve margir ferðamenn fái ekki að snúa aftur heim Innlent Fleiri fréttir Segir ákvörðun um kæru fyrir nauðgun tekna fyrir andlát flugmanns Reikna með 700 þúsund ferðamönnum í Reykjadal Orðið vör við fjölgun útkalla vegna þjófnaðar Segist hafa væntingar um meira fé til samgöngumála Íhuga að fara í skaðabótamál vegna andláts Ibrahims Nýjustu upplýsingar breyta ekki skoðun verkstjórans Hálft ár frá ráninu í Hamraborg sem er enn óupplýst Lesskilningur bættur með leikjum Umhugsunarefni hve margir ferðamenn fái ekki að snúa aftur heim Erlend þjófagengi herja á verslanir Gömul og óskráð skotvopn komi oft „frá afa“ Ætla að tala opinskátt um ofbeldi í Kópavogi Stórfelldur þjófnaður í matvörubúðum og slysahætta á „ævintýraeyju“ Ytri Rangá hefur gefið 4 þúsund laxa í sumar Tvö hundruð milljónir í baráttuna um Bessastaði Maðurinn sem lést í Brúará frá Katar Sjónarmið Miðflokksins og Arnars Þórs skarist að mörgu leyti Konan komst úr bílnum af sjálfsdáðum Hjónin létust eftir langvarandi veikindi Eiturlyf og vopn fundust á heimili hins handtekna á Bakkafirði Manndrápstíðni áhyggjuefni þrátt fyrir sveiflur og fólksfjölgun Útiloka ekki kosningar í vor Gripnir á leið upp í flugvél en tugmilljóna þýfi ófundið Tugmilljóna þýfi úr Elko enn ófundið Býst við að Bjarni bæti úr óheyrilegum meðferðartíma Arnar Þór og Miðflokkur náðu ekki saman Lögregluþjónn frá Hong Kong lést við Fossá á Skaga Talinn hafa stungið mann eftir að hafa skemmt bílinn hans Fjórar tilkynningar um innbrot og þjófnaði og þrír handteknir Þurfa að skila útprentuðum eyðublöðum því ekki tókst að uppfæra Völu Sjá meira
Signa Hrönn Stefánsdóttir og maðurinn hennar, Reynir Svan Sveinbjörnsson, keyptu sér íbúð á Akureyri í janúar 2008 og fluttu inn í hana rétt fyrir hrun. Þau fluttu út úr íbúðinni í gær, ásamt tveimur ungum dætrum sínum, þar sem Íbúðalánasjóður keypti íbúðina þann 31. mars síðastliðinn á eina milljón króna. „Við lögðum á sínum tíma 4 milljónir í íbúðina og tókum lán upp á 19 milljónir. Milljónirnar fjórar gufuðu svo upp nokkrum mánuðum eftir hrun og lánið stökkbreyttist. Það stendur nú í tæpum 34 milljónum en við hættum að greiða af því fyrir ári síðan,“ segir Signa í samtali við Vísi.Pössuðu hvorki inn í 110% leiðina né skuldaðlögunina Áður en þau hjónin hættu að greiða af láninu höfðu þau reynt að fara 110% leiðina og einnig sótt um skuldaaðlögun hjá Umboðsmanni skuldara. „Við gerðum eins og bankinn hvatti okkur til á sínum tíma og fengum lánað veð hjá foreldrum okkar. Það kom síðan í ljós að við pössuðum ekki inn í 110% leiðina því lánið hjá Íbúðalánasjóði var 109%. Foreldrar okkar reyndu þá að fara 110% leiðina en það gekk ekki heldur þar sem þau voru ekki að borga af láninu,“ segir Signa. Þau hafi svo heldur ekki fengið skuldaaðlögun hjá Umboðsmanni skuldara því þau voru ekki bæði í 100% vinnu. „Ég er í 50% vinnu á sambýli og vinn á kvöldin og um helgar. Þannig spara ég dagmömmukostnað fyrir yngri dóttur okkar og gat sýnt þeim svart á hvítu að við hefðum hærri tekjur með þessu fyrirkomulagi en ef ég væri í 100% dagvinnu og þyrfti að borga fyrir dagmömmu. Það skipti hins vegar engu og þeir sögðu bara nei.“ Signa segir að þau hafi svo fengið milljón út úr skuldaleiðréttingu ríkisstjórnarinnar. „Ein milljón hjálpar auðvitað ekki neitt svo þessi leiðrétting sem átti að hjálpa öllum hefur ekki gert það.“Lán þeirra hjóna stökkbreyttist í hruninu og peningarnir sem þau höfðu lagt í íbúðina gufuðu upp.Mynd/Signa HrönnBúin að borga 12 milljónir af láninu Á einum tímapunkti fengu Signa og Reynir að heyra að þau stæðu alltaf í skilum og þess vegna væri ekkert hægt að gera fyrir þau. „Við erum búin að borgar 12 milljónir af þessu 19 milljóna króna láni sem við tókum, fyrir utan svo 4 milljónirnar sem gufuðu upp. Þegar við vorum búin að reyna að tala við alla jakkafatamennina, eins og ég kalla þá, í tvö ár og sáum að ekkert yrði hægt að gera ákváðum við að hætta að borga af láninu. Það má eiginlega segja að því lengur sem við borguðum af láninu, því stærri holu grófum við okkur í því það hækkaði bara og hækkaði,“ segir Signa. Þegar þau hættu að borga af íbúðinni fyrir sléttu ári síðan fór ferli í gang sem lauk í gær þegar þau fluttu út úr henni. Þau búa nú hjá foreldrum Signu í 10 fermetra herbergi en stefna á að flytja til Noregs þar sem Reynir hefur verið við vinnu síðustu misseri.Signa og Reynir stefna á að flytja með dætur sínar til Noregs. Mynd/Signa Hrönn„Ekkert hægt að búa hérna með börn“ „Þetta tekur mikið á eldri stelpuna okkar sem er 4 ára. Hún skilur ekkert af hverju hún þarf að flytja úr herberginu sínu og heim til ömmu og afa en vinkona hennar flytur úr sínu herbergi í nýtt hús og fær nýtt herbergi. Það er í rauninni ekkert annað í stöðunni fyrir okkur en að flytja til Noregs. Það er ekkert hægt að búa hérna með börn og þó að fólk segi að allt sé svo dýrt í Noregi þá er kaupmátturinn þar miklu meiri en hér.“ Signa segir að það eigi eftir að koma í ljós hvað verði um 34 milljóna króna lánið. „Við erum auðvitað með það á bakinu. Við eigum aðeins eftir að skoða hvað er best að gera. Nú tökum við í rauninni bara einn dag í einu og sjáum hvað setur.“ Aðspurð hvort henni finnist sem að kerfið hafi brugðist þeim segir hún. „Já, kerfið hefur algjörlega brugðist. Þetta á ekki að vera svona, þetta á ekki að virka svona. Þeir vilja greinilega bara missa allt ungt fólk úr landi því þeir eru ekki að gera neitt. Því miður erum við hvorki þau fyrstu sem lenda í þessu né síðustu, það er fullt af fólki á götunni sem hefur misst húsnæði sitt, en við erum heppin að hafa í hús að venda og að geta verið hér hjá foreldrum mínum. Það eru ekki allir svo heppnir,“ segir Signa að lokum.Í gærkveldi skelltum við Ljómatúni 11 í lás í hinsta sinn eftir ógeðslega erfiðar undafarnar vikur. í þessari íbúð hö...Posted by Signa Hrönn Stefánsdóttir on Friday, 1 May 2015
Mest lesið Segir ákvörðun um kæru fyrir nauðgun tekna fyrir andlát flugmanns Innlent Orðið vör við fjölgun útkalla vegna þjófnaðar Innlent Nýjustu upplýsingar breyta ekki skoðun verkstjórans Innlent Íhuga að fara í skaðabótamál vegna andláts Ibrahims Innlent Eiturlyf og vopn fundust á heimili hins handtekna á Bakkafirði Innlent Reikna með 700 þúsund ferðamönnum í Reykjadal Innlent Hálft ár frá ráninu í Hamraborg sem er enn óupplýst Innlent Erlend þjófagengi herja á verslanir Innlent Vinna að þriggja vikna vopnahléi á milli Ísrael og Hezbollah Erlent Umhugsunarefni hve margir ferðamenn fái ekki að snúa aftur heim Innlent Fleiri fréttir Segir ákvörðun um kæru fyrir nauðgun tekna fyrir andlát flugmanns Reikna með 700 þúsund ferðamönnum í Reykjadal Orðið vör við fjölgun útkalla vegna þjófnaðar Segist hafa væntingar um meira fé til samgöngumála Íhuga að fara í skaðabótamál vegna andláts Ibrahims Nýjustu upplýsingar breyta ekki skoðun verkstjórans Hálft ár frá ráninu í Hamraborg sem er enn óupplýst Lesskilningur bættur með leikjum Umhugsunarefni hve margir ferðamenn fái ekki að snúa aftur heim Erlend þjófagengi herja á verslanir Gömul og óskráð skotvopn komi oft „frá afa“ Ætla að tala opinskátt um ofbeldi í Kópavogi Stórfelldur þjófnaður í matvörubúðum og slysahætta á „ævintýraeyju“ Ytri Rangá hefur gefið 4 þúsund laxa í sumar Tvö hundruð milljónir í baráttuna um Bessastaði Maðurinn sem lést í Brúará frá Katar Sjónarmið Miðflokksins og Arnars Þórs skarist að mörgu leyti Konan komst úr bílnum af sjálfsdáðum Hjónin létust eftir langvarandi veikindi Eiturlyf og vopn fundust á heimili hins handtekna á Bakkafirði Manndrápstíðni áhyggjuefni þrátt fyrir sveiflur og fólksfjölgun Útiloka ekki kosningar í vor Gripnir á leið upp í flugvél en tugmilljóna þýfi ófundið Tugmilljóna þýfi úr Elko enn ófundið Býst við að Bjarni bæti úr óheyrilegum meðferðartíma Arnar Þór og Miðflokkur náðu ekki saman Lögregluþjónn frá Hong Kong lést við Fossá á Skaga Talinn hafa stungið mann eftir að hafa skemmt bílinn hans Fjórar tilkynningar um innbrot og þjófnaði og þrír handteknir Þurfa að skila útprentuðum eyðublöðum því ekki tókst að uppfæra Völu Sjá meira