Lagði hald á 150 leysibenda

Tollstjóraembættið lagði hald á rúmlega 150 leysibenda á síðasta ári. Þar á meðal voru tveir geysisterkir leysibendar eða 50 þúsund mW.

Í tilkynningu frá tollstjóra segir að til samanburðar megi geta þess að leysibendar teljist öflugir ef þeir eru sterkari en 1 mW. Innflutningur benda sem eru umfram þann styrk er bannaður nema að fengnu leyfi frá Geislavörnum ríkisins.

„Leysibendarnir sem haldlagðir voru á árinu, alls 154 stykki, komu í 21 sendingu frá Hong Kong, Kína og Tælandi. Af þessum fjölda komu um hundrað stykki í einni sendingu frá síðarnefnda landinu.

Tollstjóri bendir á að mikil hætta getur skapast af notkun ólöglegra leysibenda eins og dæmin sanna. Má þar nefna atvik þegar þeim hefur verið beint að bifreiðum í akstri og flugvélum. Í því sambandi skal bent á að íslensk­ar flug­vél­ar verða fyr­ir leysi­geislaskoti úr öfl­ug­um leysi­bend­um er­lend­is að meðaltali einu sinni í mánuði, sam­kvæmt upp­lýs­ing­um frá Sam­göngu­stofu. Þá hefur fólk orðið fyrir líkamlegum skaða af óvarlegri meðferð þeirra.“