Margir hætta í framhaldsskólanámi vegna andlegra veikinda

Samkvæmt upplýsingum frá 31 skóla, sem mennta- og menningarmálaráðuneytið svo birtir, hættu 673 framhaldsskólanemendur námi á haustönn 2014, það er hurfu frá námi án þess að ljúka prófum í lok annarinnar.

Á framhaldsskólastigi stunduðu 26.964 nemendur nám á haustönn 2013 og má gera ráð fyrir að svipaður fjöldi hafi stundað nám á haustönn 2014. Ráðuneytið vinnur nú að því, í samvinnu við skólana, að sporna gegn brottfalli nemenda, en áhyggjuefni er að nemendum sem segjast hafa hætt vegna andlegra veikinda fjölgar á milli anna og við því vill ráðuneytið bregðast.