Þorsteinn Pálsson særir leikskólakennara

Leikskólakennurum fannst ómaklega að starfsheiðri sínum vegið en Þorsteinn Pálsson fyrrverandi Sjálfstæðisflokksins er gáttaður á stöðu utanríkismála, í kjölfar frægs bréfs Gunnars Braga Sveinssonar utanríkisráðherra til ESB og lét þá skoðun óspart í ljós í þættinum Sprengisandi í gær: „Maður veit eiginlega ekki hvort á að taka þetta í alvöru eða gamni. Það er eiginlega engu líkara en að og ég hygg að ef maður myndi horfa á þetta utanfrá séð þá myndi maður halda að ríkisstjórnin hefði útvistað utanríkismálunum til leikskólans á Grænuborg,” sagði Þorsteinn, sem þekktur er fyrir það í gegnum tíðina að vera alveg einstaklega orðvar maður.

Þessi orð hafa fallið í afar í grýttan jarðveg meðal leiksskólakennara. „Já, leiksskólakennurum almennt finnst þetta ósmekklegt. Fannst ekki við hæfi að líkja starfsemi Grænuborgar við þennan gerning. Enda er lýðræði og mannréttindi í hávegum höfð í öllum leikskólum,“ segir Haraldur F. Gíslason, formaður Félags leiksskólakennara: „Hann hlýtur bara að vanda sig betur næst, eigum við ekki bara að vona það?“