Sport

Hafþór Júlíus setti nýtt heimsmet í bjórkútakasti | Myndband

Jóhann Óli Eiðsson skrifar
Hafþór tekur sér stöðu fyrir kastið í dag.
Hafþór tekur sér stöðu fyrir kastið í dag.

Hafþór Júlíus Björnsson vann í dag aflraunamótið Giants Live Sweden en mótið er liður í undankeppninni fyrir keppnina um sterkasta mann í heimi. Sú keppni fer fram í Leeds á Englandi næsta sumar.

Hafþór lét sér ekki nægja að sigra keppnina heldur bætti hann einnig eigið heimsmet í bjórkútakasti. Í greininni þurfa keppendur að henda fimmtán kílógramma bjórkút aftur fyrir sig yfir rá.

Kúturinn hjá Hafþóri fór yfir 7,05 metra og það er ekki orðum aukið að segja að „Fjallið“ hafi hoppað af gleði. Hafþór Júlíus á einnig heimsmetið í svipaðri grein þar sem 25 kg lóð er kastað í stað bjórkútsins en þeim grip fleygði hann yfir 5,88 metra.

Myndband af heimsmetinu má sjá hér að neðan.


Tengdar fréttir

Fjallið og Conor tókust á | Myndband

Bardagakapparnir Gunnar Nelson og Conor McGregor fengu góðan gest í vikunni þegar kraftakarlinn Hafþór Júlíus Björnsson, betur þekktur sem Fjallið, kíkti á þá félaga í Dublin þar sem þeir eru við æfingar.

Mest lesið


Fleiri fréttir

Sjá meira


×

Mest lesið