Bardagakapparnir Gunnar Nelson og Conor McGregor fengu góðan gest í heimsókn í vikunni þegar kraftakarlinn Hafþór Júlíus Björnsson, betur þekktur sem Fjallið, kíkti á þá félaga í Dublin þar sem þeir eru við æfingar.

Conor og Hafþór tókust aðeins á þótt alvaran á bak við bardagann hafi ekki verið mikil.

Myndband af rimmu þeirra má sjá hér að neðan.

Gunnar og Conor undirbúa sig nú af kappi fyrir UFC 194, stærsta bardagakvöld ársins, í Las Vegas 12. desember næstkomandi.

Gunnar mætir þar Brasilíumanninum Demian Maia á meðan Conor mætir öðrum Brassa, José Aldo, í aðalbardaga kvöldsins.