Meint brot lögreglumanns til rannsóknar

Um er að ræða lögreglumann, fyrrum starfsmann fjarskiptafyrirtækisins Nova og lögmann en þeir munu allir vera vinir. Svo virðist vera sem þeir hafi verið með spjall-hóp á Facebook þar sem var rætt um konur.

Embætti ríkissaksóknara hefur staðfest að þar séu  til rannsóknar meint brot lögreglumanns vegna uppflettingar og meðferðar á upplýsingum úr upplýsingakerfi lögreglunnar.

Rannsóknin lýtur einkum að ætluðum brotum á ákvæðum XIV. kafla almennra hegningarlaga nr. 19/1940, sem fjallar um brot í opinberu starfi.

Þá liggur fyrir að tveir aðrir menn hafi réttarstöðu sakborninga við rannsóknina.

Forstjóri Nova staðfesti í samtali við Vísi að starfsmanni þeirra hefði varið sagt upp störfum þegar upp komst um málið vegna trúnaðarbrests. Hún tók fram að enn benti ekkert til að brot á lögum hefðu átt sér stað en lögreglan fari með rannsókn málsins.

Lögreglustjórinn á Suðurnesjum aðstoðar ríkissaksóknara við rannsókn málsins.