Siðareglur fyrri ríkisstjórnar enn í gildi

Ríkisstjórn Sigmundar Davíðs Gunnlaugssonar hefur ekki sett sér nýjar siðareglur fyrir ráðherra og lítur svo á að siðareglur fyrri ríkisstjórnar, frá árinu 2011, séu enn í gildi.

Þetta kemur fram í svari forsætisráðherra við fyrirspurn Tryggva Gunnarssonar, umboðsmanns Alþingis, frá því fyrr í mánuðinum. Þar var ráðherra inntur eftir afstöðu sinnar til siðareglna ráðherra og hvort ríkisstjórn hans hefði sett sér nýjar reglur sérstaklega.

Sigmundur segir að með meginbreytingum á stjórnarráðslögum sé ekki gerð lagaleg krafa til þess að hver ríkisstjórn setji sér eða staðfesti siðareglur sérstaklega.

Í svari Sigmundar, sem lesa má í heild sinni hér fyrir neðan, segir að ekki sé ólíklegt að ráðist verði í breytingar á þessum reglum. Hann líkur máli sínu á því að spyrja hvort settar hafi verið siðareglur fyrir embætti umboðsmanns Alþingis og hvort mögulegt sé að fá aðgang að þeim, þar sem leita þurfi vandlega fyrirmynda sem víðast.