Bæjarstjórn komi að ráðningu lögmanns

Tillaga M-lista Íbúahreyfingarinnar um að ráðning lögmanns bæjarins verði á borði bæjarstjórnar í stað bæjarstjóra var felld í bæjarráði Mosfellsbæjar.

Sigurður Snædal Júlíusson var ráðinn lögmaður. „Hann mun að hluta gegna störfum sem framkvæmdastjóri stjórnsýslusviðs gegndi áður,“ sagði fulltrúi M-listans og vitnaði til laga um að sveitarstjórn réði starfsmenn í æðstu stöður. „Tillaga M-lista gengur þvert gegn samþykktum bæjarins og nýsamþykktu skipuriti bæjarins,“ sögðu fulltrúar meirihlutans.