Leki úr skráningarkerfi lögreglunnar enn í rannsókn

Rannsókn miðar vel áfram í máli lögreglumanns, lögfræðings og fyrrverandi starfsmanns fjarskiptafyrirtækisins Nova sem grunaðir eru um að hafa skoðað skjöl úr skráningarkerfi lögreglunnar, LÖKE, á lokaðri síðu á netinu.

Lögreglan á Suðurnesjum fer með rannsókn málsins en lögreglumaðurinn sem grunaður er um að hafa lekið upplýsingum úr LÖKE starfaði hjá lögregluembættinu á höfuðborgarsvæðinu.

Mennirnir eru grunaðir um að hafa skoðað upplýsingar um konur sem hafa kært kynferðisbrot og rætt það frjálslega í lokuðum hópi á Facebook.