Ósátt að fá ekki arfinn tveimur árum eftir andlát föður Hanna Ólafsdóttir skrifar 23. september 2014 07:00 Íbúðirnar sem eru fyrir 60 ára og eldri eru við Mánabraut og Sunnubraut í Þorlákshöfn. Fréttablaðið/Stefán „Pabbi borgaði sjö milljónir fyrir búseturétt í sinni íbúð. Þann pening átti hann að fá aftur ef hann flytti út úr íbúðinni eða þá að peningurinn átti að greiðast til erfingja ef hann félli frá. Við höfum engan pening fengið tveimur árum eftir andlát hans og ekki fengið nein skýr svör um hvort við fáum hann yfirhöfuð, segir Halldóra Hafsteinsdóttir. Faðir Halldóru, Hafsteinn Sigurgeirsson, bjó í leiguhúsnæði á vegum Elliða, húsnæðissamvinnufélags eldri borgara í Þorlákshöfn. Fjölskyldan hefur nú tveimur árum síðar ekki fengið greiddan út búseturétt föðurins og því hafa ekki getað lokið við að gera upp dánarbúið. Elliði á 24 íbúðir sem ætlaðar eru 60 ára og eldri í Þorlákshöfn en félagið glímir við mikla fjárhagserfiðleika.Halldóra HafsteinsdóttirÓsátt við vinnubrögð félagsins Halldóra segir að íbúar og aðstandendur hafi ekki verið upplýstir um slæma fjárhagsstöðu félagsins og því hafi fregnir af rekstrarerfiðleikum félagsins komið þeim í opna skjöldu. Halldóra segir systkinin engin skýr svör hafa fengið frá félaginu varðandi hvort eða hvenær þau megi búast við að fá peningana. Hún er ósátt við stöðu mála. „Við fengum bara þau svör hjá félaginu að þau mættu ekkert gera og mættu ekki borga neitt út. Þau segjast vonast til þess að sveitarfélagið komi inn í þetta og það er kannski óskandi að það geri það. En ég er ósátt við viðbrögð félagsins og mér finnst að það hafi ekki verið staðið við neitt af þess hálfu. Við hefðum ekki skilað af okkur íbúðinni hefðum við vitað þetta. Félagið leigir íbúðina núna út og því má segja að félagið hafi hagnast áfram á okkur.“Skuldar tæpar 650 milljónir Til þess að öðlast búseturétt hjá Elliða þarf fólk að greiða fjórar til sjö milljónir en borgar eftir það mánaðarlega leigu. Ef einstaklingur flytur úr húsunum eða deyr þá fær hann eða eftirlifandi ættingjar greiddan til baka höfuðstólinn af því sem borgað var inn. Húsnæðissamvinnufélagið Elliði var stofnað árið 2004 af íbúum í kringum byggingu og rekstur íbúðarhúsa fyrir 60 ára og eldri í Þorlákshöfn. Félagið hefur nú byggt alls 24 íbúðir í parhúsum við Mánabraut og Sunnubraut í bænum. Byggingarnar voru fjármagnaðar með lánum frá Íbúðalánasjóði en heildarskuldir félagsins við Íbúðalánasjóð voru 644.107.754 krónur samkvæmt síðasta ársreikningi og skuldir vegna búseturéttar voru 141.293.694 krónur. Skammtímaskuldir félagsins hljóða upp á um fimm milljónir króna.Valur Rafn HalldórssonSegir lausn í sjónmáli Að sögn Vals Rafns Halldórssonar sem situr í verkefnastjórn Elliða eru fimm búseturéttir ófrágengnir. Valur segir að unnið sé að lausn mála í samvinnu við sveitarfélagið og að málið sé komið í ákveðinn farveg. Hann segir lagalega óvissu ríkja um hversu há upphæðin er vegna þessara fimm búseturétta en að nafnvirði sé upphæðin um 24 milljónir. Félagið hafi greitt út tvo búseturétti áður en fjárhagur þess versnaði en þá hafi ÍLS tekið fyrir að félagið greiddi frekari búseturétt út. „Það er ákveðin lausn í sjónmáli, sem við erum að vinna að í samvinnu við sveitarfélagið. Það eru auðvitað fleiri búsetufélög um land allt sem eru í svipaðri ef ekki verri stöðu,“ segir Valur sem kveður ástæður rekstrarerfiðleikanna ekki vera bruðl heldur forsendubresti við efnahagshrunið 2008. „Félagið er í skilum. Það er enginn framkvæmdastjóri hjá félaginu og enginn starfsmaður. Félagið hefur aldrei greitt neitt í laun hvorki til starfsmanna né stjórnar eða verkefnisstjórnar. Við eins og margir aðrir horfðum upp á lán tvöfaldast.“ Vonast til að traust íbúa aukistVarðandi framtíð Elliða segir Valur Rafn að hún sé óráðin. Verkefnisstjórn vinnur að því að finna lausnir á fjárhagsvanda félagsins. Sveitarfélagið hefur aðstoðað á þeirri vegferð og til standi að gera þjónustusamning við sveitarfélagið. „Með þjónustusamningnum munum við bæta þjónustu við íbúa, styrkja fjárhagslegan grundvöll félagsins sem og stöðugleika. Með auknum stöðugleika vonumst við til þess að traust íbúa og almennings til félagsins aukist og að það leiði til þess að einstaklingar verði aftur tilbúnir til að fjárfesta í búseturétti. Á borðinu liggur einnig tilboð frá ÍLS sem verkefnisstjórnin er að skoða,“ segir Valur Rafn Halldórsson. Mest lesið Ók blindfullur við Grímsvötn og hótaði að drepa alla Innlent Langt í að þeir nái sér að fullu Innlent Vopnuð rán tíðari en fólk gerir sér grein fyrir Innlent Tveir látnir eftir að bíll hafnaði í sjónum við Stokkhólm Erlent Óttast að saga slökkviliða á Íslandi glatist Innlent Á ofsahraða undir áhrifum fíkniefna Innlent Svakalegt að sjá fylgisaukningu Höllu Hrundar Innlent Arnar Þór vantaði sex meðmæli upp á Innlent Karlremba sé komin í tísku Innlent Fengu aðstoð sérsveitar og Gæslunnar við handtöku við Grímsvötn Innlent Fleiri fréttir Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Plokkdagurinn mikli haldinn hátíðlegur um land allt Á ofsahraða undir áhrifum fíkniefna Efnahagsstefnan sé að ýta fólki í verðtryggð lán Ók blindfullur við Grímsvötn og hótaði að drepa alla Langt í að þeir nái sér að fullu Lögregla með eftirför í Vogahverfi Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sigurvin dró smábát í land Vill að fréttastofa RÚV biðji Maríu Sigrúnu afsökunar Lögreglan lofar góðu vegaeftirliti á Suðurlandi í sumar Landskjörsstjórn tilkynnir á morgun hvaða listar eru gildir Mögulega að hægjast á landrisi í Svartsengi Karlremba sé komin í tísku Voru með stæla og neituðu að fara upp úr fyrr en löggan mætti Arnar Þór vantaði sex meðmæli upp á Sprengisandur: Peningastefna, ESB og lagareldi Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Sjá meira
„Pabbi borgaði sjö milljónir fyrir búseturétt í sinni íbúð. Þann pening átti hann að fá aftur ef hann flytti út úr íbúðinni eða þá að peningurinn átti að greiðast til erfingja ef hann félli frá. Við höfum engan pening fengið tveimur árum eftir andlát hans og ekki fengið nein skýr svör um hvort við fáum hann yfirhöfuð, segir Halldóra Hafsteinsdóttir. Faðir Halldóru, Hafsteinn Sigurgeirsson, bjó í leiguhúsnæði á vegum Elliða, húsnæðissamvinnufélags eldri borgara í Þorlákshöfn. Fjölskyldan hefur nú tveimur árum síðar ekki fengið greiddan út búseturétt föðurins og því hafa ekki getað lokið við að gera upp dánarbúið. Elliði á 24 íbúðir sem ætlaðar eru 60 ára og eldri í Þorlákshöfn en félagið glímir við mikla fjárhagserfiðleika.Halldóra HafsteinsdóttirÓsátt við vinnubrögð félagsins Halldóra segir að íbúar og aðstandendur hafi ekki verið upplýstir um slæma fjárhagsstöðu félagsins og því hafi fregnir af rekstrarerfiðleikum félagsins komið þeim í opna skjöldu. Halldóra segir systkinin engin skýr svör hafa fengið frá félaginu varðandi hvort eða hvenær þau megi búast við að fá peningana. Hún er ósátt við stöðu mála. „Við fengum bara þau svör hjá félaginu að þau mættu ekkert gera og mættu ekki borga neitt út. Þau segjast vonast til þess að sveitarfélagið komi inn í þetta og það er kannski óskandi að það geri það. En ég er ósátt við viðbrögð félagsins og mér finnst að það hafi ekki verið staðið við neitt af þess hálfu. Við hefðum ekki skilað af okkur íbúðinni hefðum við vitað þetta. Félagið leigir íbúðina núna út og því má segja að félagið hafi hagnast áfram á okkur.“Skuldar tæpar 650 milljónir Til þess að öðlast búseturétt hjá Elliða þarf fólk að greiða fjórar til sjö milljónir en borgar eftir það mánaðarlega leigu. Ef einstaklingur flytur úr húsunum eða deyr þá fær hann eða eftirlifandi ættingjar greiddan til baka höfuðstólinn af því sem borgað var inn. Húsnæðissamvinnufélagið Elliði var stofnað árið 2004 af íbúum í kringum byggingu og rekstur íbúðarhúsa fyrir 60 ára og eldri í Þorlákshöfn. Félagið hefur nú byggt alls 24 íbúðir í parhúsum við Mánabraut og Sunnubraut í bænum. Byggingarnar voru fjármagnaðar með lánum frá Íbúðalánasjóði en heildarskuldir félagsins við Íbúðalánasjóð voru 644.107.754 krónur samkvæmt síðasta ársreikningi og skuldir vegna búseturéttar voru 141.293.694 krónur. Skammtímaskuldir félagsins hljóða upp á um fimm milljónir króna.Valur Rafn HalldórssonSegir lausn í sjónmáli Að sögn Vals Rafns Halldórssonar sem situr í verkefnastjórn Elliða eru fimm búseturéttir ófrágengnir. Valur segir að unnið sé að lausn mála í samvinnu við sveitarfélagið og að málið sé komið í ákveðinn farveg. Hann segir lagalega óvissu ríkja um hversu há upphæðin er vegna þessara fimm búseturétta en að nafnvirði sé upphæðin um 24 milljónir. Félagið hafi greitt út tvo búseturétti áður en fjárhagur þess versnaði en þá hafi ÍLS tekið fyrir að félagið greiddi frekari búseturétt út. „Það er ákveðin lausn í sjónmáli, sem við erum að vinna að í samvinnu við sveitarfélagið. Það eru auðvitað fleiri búsetufélög um land allt sem eru í svipaðri ef ekki verri stöðu,“ segir Valur sem kveður ástæður rekstrarerfiðleikanna ekki vera bruðl heldur forsendubresti við efnahagshrunið 2008. „Félagið er í skilum. Það er enginn framkvæmdastjóri hjá félaginu og enginn starfsmaður. Félagið hefur aldrei greitt neitt í laun hvorki til starfsmanna né stjórnar eða verkefnisstjórnar. Við eins og margir aðrir horfðum upp á lán tvöfaldast.“ Vonast til að traust íbúa aukistVarðandi framtíð Elliða segir Valur Rafn að hún sé óráðin. Verkefnisstjórn vinnur að því að finna lausnir á fjárhagsvanda félagsins. Sveitarfélagið hefur aðstoðað á þeirri vegferð og til standi að gera þjónustusamning við sveitarfélagið. „Með þjónustusamningnum munum við bæta þjónustu við íbúa, styrkja fjárhagslegan grundvöll félagsins sem og stöðugleika. Með auknum stöðugleika vonumst við til þess að traust íbúa og almennings til félagsins aukist og að það leiði til þess að einstaklingar verði aftur tilbúnir til að fjárfesta í búseturétti. Á borðinu liggur einnig tilboð frá ÍLS sem verkefnisstjórnin er að skoða,“ segir Valur Rafn Halldórsson.
Mest lesið Ók blindfullur við Grímsvötn og hótaði að drepa alla Innlent Langt í að þeir nái sér að fullu Innlent Vopnuð rán tíðari en fólk gerir sér grein fyrir Innlent Tveir látnir eftir að bíll hafnaði í sjónum við Stokkhólm Erlent Óttast að saga slökkviliða á Íslandi glatist Innlent Á ofsahraða undir áhrifum fíkniefna Innlent Svakalegt að sjá fylgisaukningu Höllu Hrundar Innlent Arnar Þór vantaði sex meðmæli upp á Innlent Karlremba sé komin í tísku Innlent Fengu aðstoð sérsveitar og Gæslunnar við handtöku við Grímsvötn Innlent Fleiri fréttir Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Plokkdagurinn mikli haldinn hátíðlegur um land allt Á ofsahraða undir áhrifum fíkniefna Efnahagsstefnan sé að ýta fólki í verðtryggð lán Ók blindfullur við Grímsvötn og hótaði að drepa alla Langt í að þeir nái sér að fullu Lögregla með eftirför í Vogahverfi Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sigurvin dró smábát í land Vill að fréttastofa RÚV biðji Maríu Sigrúnu afsökunar Lögreglan lofar góðu vegaeftirliti á Suðurlandi í sumar Landskjörsstjórn tilkynnir á morgun hvaða listar eru gildir Mögulega að hægjast á landrisi í Svartsengi Karlremba sé komin í tísku Voru með stæla og neituðu að fara upp úr fyrr en löggan mætti Arnar Þór vantaði sex meðmæli upp á Sprengisandur: Peningastefna, ESB og lagareldi Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Sjá meira