Bjarni Ben á CNBC: „Við viljum ekki staðna“

„Ég er ekki viss um að stöðugleikinn sem þú vísar til hjá öðrum Evrópuþjóðum sé eftirsóknarverður af okkar hálfu. Við viljum ekki staðna,“ sagði Bjarni Benediktsson fjármálaráðherra í viðtali á CNBC í London í morgun.

Bjarni sat fyrir svörum þar sem áherslan var á þá stóru spurningu hvort Ísland ætti að gerast aðili að Evrópusambandinu.

Bjarni benti á að Ísland nyti flestra réttinda Evrópusambandsríkja með þátttöku sinni í Evrópska efnahagssvæðinu. Þá þjónaði ekki hagsmunum Íslands að taka upp evru.

„Ég held að Ísland sé nokkuð áhugavert land frá evrópsku sjónarhorni. Í Evrópu sérðu margar þjóðir í vandræðum þrátt fyrir sameiginlegan gjaldmiðil. Okkur hefur hins vegar tekist að verja störf og vaxa á ný,“ sagði Bjarni.

Viðtalið við Bjarna má sjá hér að neðan.

Post by Bjarni Benediktsson.